Pa: Fittipaldi Pietersz

 Un konosido suidadano komersiante di e bario  Antriol ta konta algun eksperensia di kos straño ku el a pasa den na algun okashon. 

“Un biaha piskando na laman pariba den área di Spelonk ami i algun amigu  

nos a wak un lus di salta pero na e momentu ei no tabata sa ta kiko e tabata. Nos a pensa ku esaki tabata kisas un outo òf motosaikel, sinembargo a keda poko straño pasombra ta un área ku hopi baranka pues un vehíkulo motorisá no por pasa einan. 

Ami i un amigu a keda traha repa sperando e otro hendenan regresá for di un sitio riba baranka poko mas leu kaminda nan a bai piska. Nos a stòp un ratu ku hasamentu di repa i kuminsá lusa ku flèshlait den direkshon di e lus. 

E lus a bin den nos direkshon i bira un splendor hopi grandi pa despues disparsé. Esaki a sosodé na un distansha di mas o ménos 20 meter for di nos. Momentu esaki a sosodé, nos a spanta poko i a opta pa no sende flèshlait mas. Esaki a pasa diferente bes na e mes un sitio ora nos ta bai piska. Nan ta bisa no ta nada malu simplemente lus di salta.

Otro biaha nos a bai piska, e biaha aki den boto den área di Saliña. Kos tabata ketu na e sitio, piska no tabata kome. Mi a drumi den boto bai soño i a bin un lus for di direkshon di shelu i mi amigunan ku tabata huntu ku ami a spanta. Nan a lantami i konta loke a sosodé i a bisa ban for di e sitio purá.”

Si abo ta deseá di konta algu straño ku bo a eksperensia, por tuma kontakto ku Pietersz na number 7905999. 

Share This
error: Content is protected !!