KRALENDIJK – Klupnan di Toastmaster na Boneiru ta organisá, tremendo kompetensia di diskurso entre Kòrsou i Boneiru.
E ganadó lo representá Kòrsou i Boneiru den e kompetensia di diskurso di Karibe, kual lo tuma lugá e aña aki na luna di Mei na Aruba.
Mester menshoná ku Boneiru sèmper a ser dignamente representá, di kual na dos okashon a keda na di dos lugá den e kompetensia di diskurso di Karibe.
Preis ta solamente 10 dollar inkluiendo un welcome drink i snacks. Bo tin oportunidat di presensiá i disfrutá di un kompetensia na nivel entre e kampionnan di e diferente klupnan di Kòrsou i Boneiru.
E ganadó di e kompetensia lo partisipá riba un nivel mas haltu, kual ta di Distrikto.
Ganadó di e kompetensia aki lo kompetí na e kompetensia Internashonal .
No pèrdè e oportunidat úniko aki.
Pa karchi òf pa mas informashon, por tuma kontakto ku Indra Sedney na telefon 796-0168 i/o Noritza Rosalia na 777-0182. Tambe por aserká miembronan di Toastmaster, kendenan gustosamente lo yuda bo pa bo risibi bo karchi.