KRALENDIJK–  Djasabra wikènt tras di lomba tabatin e promé aktividat di “Taste of Bonaire” pa 2020. E tema tabata “Ban Topa Edition”. Tremendo ambiente tabatin den “Wilhelmina Plein”, yená ku hende pa gosa loke e aktividat tin pa ofresé. Durante e anochi entre otro a presentá JC & Friends Redo Braga huntu ku Rafa R Santana i Gerald Martines un agrupashon Krioyo i The Boyz Brass Band. Durante e anochi a hasi entrega di premio di e proyekto di Blue Destination. Ta trata di personanan  ku tabata den marcha di karnaval.  “Taste of Bonaire” ta un aktividat kaminda hende ta topa den dushi ambiente i kuminda spesial pa e aktividat. Kombinashon di potrèt ta ilustrá parti di e aktividat.

Share This
error: Content is protected !!