KRALENDIJK –Djasabra tras di lomba “Sabi” a kumpli 13 aña di bida i tabata momentu pa selebrá. Huntu ku famia i konosí, nan a selebrá den Parke Patun Saragosa bario Antriol pariba. Sabi a kombiná e selebrashon di fecha natal di e i su ruman ohochi “Isa”, den un aktividat pa rekoudá fondo pa partisipá na Aruba ku su “Quad”. Manera ta konosí Sabi gusta e mundu kenshi i “Drift” ku “Quad”, i dia 14 di mart e ta bai un show na Aruba. Pa motibu di e show el a pone un bendementu di kuminda pa rekoudá fondo pa e presentá den e aktividat. E show ta karga e nòmber “Real to Real, Back to Back Edition” i ta 14 di mart. Durante e aktividat  entre otro a bende kuminda i diferente tipo di mata. Potrèt ta duna un bista di e aktividat, entre otro momentu ku e rumannan ohochi a kòrta bolo.  

????????????????????????????????????

Share This
error: Content is protected !!