KRALENDIJK — Awe mainta tabatin un aktividat kaminda por a hasi tèst di diferente kos, relashoná ku dia internashonal di nir. Un reportero di Radio Live 99.9 FM tabata na e sitio na entrada prinsipal di Fundashon Mariadal kaminda por a hasi tèst i risibí diferente informashon relashoná ku salu di hende.

A kontrolá suku, peso, preshon i tabatin un dietista presente kende na su turno a duna informashon relashoná ku resultado di kada tèst e mainta. E ta konsehá esnan ku nan resultado ta rekerí atenshon, kon pa atendé ku e situashon. Nos a papia ku Merredith Sambo “Teamcoordinator Dialyse”.

El a menshoná ku e situashon na Boneiru ta alarmante. ”E kantidat di hende ku problema ku nir ta oumentá. Hopi hende ta pendiente pa kuminsá dialisá. E bon ta ku por dialisá na Boneiru loke sigur ta ménos molèster kompará ku den pasado, ku mester a bai Kòrsou. E oumentu di pashènt ta indikashon di mal nutrishon. Kuminda salú ta kostoso loke ta pone e hende kome kos di ménos kalidat i ku tur e konsekuensia. Kisas ta bon pa gobièrnu tuma nota i hasi posibel pa un preis mas abou pa e suidadano kome mas salu posibel. Otro kos hopi hende no ta move, loke ta kousa di problema ku nir. Hopi importante pa praktiká deporte i no nesesariamente un “Gym”, sinembargo kanamentu i landa ta yuda hopi pa un bida salu. Kisas por bin ku un sekshon di obligashon pa e trahadó praktiká un deporte, loke ta na bienestar di e kompania, kaminda ménos empleado ta bira malu i no por ta na trabou,” Sambo “Teamcoordinator Dialyse” a konta.

Share This
error: Content is protected !!