KRALENDIJK – Awe mainta a inisiá apertura ofisial di e aktividat di “BonDoet” e di 10 edishon. E parti ofisial tabata dilanti di ofisina di FuHiKUBO pega ku Extra. Un grupo di persona tabata presente i despues for di e sitio menshoná a sali pa kuminsá ku e 98 djòp ku tin plania durante 2 dia. Diferente trabou tin i algu ménos ku 2000 persona a inskribí pa kumpli ku e tareanan. Apesar ku hopi hende a inskribí, tin nesesidat pa por lo ménos 200 hende mas. E aña aki ta di 10 bia ku ta organisá e aktividat. “BonDoet” a nase na Boneiru i a ekspandé riba diferente isla den serkania, entre otro Aruba, Kòrsou i Sint Maarten. Hulanda no ta organisá e aktividat di “BonDoet” e fin di siman aki, debí na e situashon di “Corona virus”. Kombinashon di potrèt ta mustra esnan presente na e parti ofisial di “BonDoet” awe mainta, i e grupo di persona ku a kuminsá traha pa FuHiKuBO.

Share This
error: Content is protected !!