BONEIRU NO TIN NIUN KASO DI CORONA VÍRÙS, SINEMBARGO MESTER TA ALERTA!

Written by on

KRALENDIJK – Djabièrnè 13 di mart, tim di maneho insular a organisá un enkuentro ku Prensa pa medida relashoná ku vírùs di corona. Gezaghèber Edison Rijna di tim di maneho insular a papia i a menshoná ku na Boneiru no tin niun hende ku ‘Corona virus’. “Sí a tuma algun desishon meskos ta e kaso na islanan besiña. Ta bai sera entrada di buelonan for di Europa pa Boneiru entrante 14 pa 31 di mart 2020. Barku krusero no ta bin mara na Boneiru, miéntras tantu kompanianan di barku krusero tambe a tuma desishon pa no sali for di porta di salida di e barku i no ta bin den e área di Karibe pa 30 dia. E desishon ta entre otro pa motibu ku no por atendé ku kantidat grandi di persona si nan tin e vírùs. Ta purba mas posibel pa evitá ku e malesa ta yega Boneiru. Pa loke ta trata kuminda no mester drenta pániko. Tin sufisiente kuminda pa e isla di Boneiru i tin atenshon si resultá ku mester buska komestibel for di otro direkshon ku no ta esun aktual. Pa loke ta trata produktonan manera gasolin, gasoil i otronan, tampoko ta un problema. Transporte di hende entre Boneiru i Europa ta sera, sinembargo e parti di transportá karga ta kontinuá. Pa esnan ku tin plania pa biaha pa eksterior evitá momentu ku ta posibel, evitá di  hinka bo mes den situashon pa kontagiá ku vírùs di corona,” gezaghèber Rijna a menshoná. Dòkter Giovani Frans kende tambe ta forma parti di e  Tim di maneho insular a papia i a menshoná ku un persona ku vírùs di corona lo no tin síntoma grave, ku eksepshon di hende di edat ku ya tin difikultat. “Nos tin ku pèrkurá pa e vírùs no yega Boneiru, i si e yega pa e no plama,” entre otro dòkter Frans a menshoná.
Gezaghèber Rijna na final a bisa pa ban traha huntu pa e vírùs no yega Boneiru i plama. Por sigui pa medio di ‘Facebook page’ di OLB pa mas informashon tokante vírùs di corona.  

Share This

Current track

Title

Artist

error: Content is protected !!