KRALENDIJK — Tur hende por eksperensia kos straño òf spiritu, no ta importá si bo ta hòmber òf muhé. Ta papiá si un persona ku a nase den saku e ta mira spiritu ku regularidat.

Dulce Matthew ku ta e promé hende muhé ku a konta di su eksperensia nan ku el a pasa den i te ainda sa mira òf sinti kos straño òf spiritu.

Dulce:“Mi tabata chikitu 4 pa 5 aña i mi a mira un hende bou di un palu di tamarein na kleuter skol San Bernardo, awor Kolegio San Bernardo. Mi welo sa bin buskami despues di skol, esta mèrdia i tabata para bou di un palu. Mi a tuma nota ku el a yega, pues mi a pensa ku ta welo a bin buskami. Mi a bisa  yùfrou ku mi ta bai pasobra nan a bin buskami, sinembargo e yùfrou no tabata mira niun hende i a bisami bai pasobra no tin niun hende. Mi a kore bai tòg, sinembargo momentu mi a yega mas serka di e palu, no tabatin niun hende. Mi a regresá den klas spanta i yùfrou a bisami ku e no a mira niun hende pafó ta wardami. Asina diferente bes mas mi a tuma nota di kos straño,”Dulce a konta. Si abo ta deseá di konta algu straño ku bo a eksperensia bo por tuma kontakto ku Pietersz na number di telefon:7905999.

Share This
error: Content is protected !!