EKSITOSO TORNEO DI BOLAS ENERGIZER

Written by on

KRALENDIJK – Fin di siman tras di lomba a tuma lugá e parti final di torneo di bolas, despues di 2 fin di siman di durashon. E torneo organisá pa tim di bolas “Energizer”, a kuminsá 5 di mart i a terminá 15 di mart. 16 ekipo di kabayero i 16 di dama a tuma parti na e torneo. Hopi hende tabata na tereno de wega “Gold Finch”, e sitio patras di “Jossy Boekhoudt Ball Park” pa presensia ekiponan durante wega. Áwaseru a kai djasabra anochi na algun okashon, sinembargo no a stroba kontinuashon di e weganan. E mamamentu di gai no a keda fo, loke ta krea un bon ambiente serka tur presente. Di e forma aki tim di bolas “Energizer” a organisá nan aktividat pa rekoudá fondo pa partisipá na Aruba pronto. Nan ta yama danki na tur ku a kontribuí. Radio Live 99.9 FM ta manda palabranan di éksito momentu ku nan bai Aruba pa kompetí.  Aki ta sigui e resultado di e torneo.

Semi final muhé: Girls got swag, Bonaire stars, Rasta girls i Girls with balls.

Final: Rasta Girls i Girl Got swag.

Kampion: Rasta Girls i Sub kampion Girls Got swag.

Terser lugá a resultá Bonaire Stars.

Mihó Arime tabata Sharisa Keller.

Mihó Boche a resultá Liduska Bernabela.

Semi final kabayero: Unbreakable, Happy Boys,

Crazy Boys i Sparta.

Final tabata entre Happy Boys i sparta. 

Kampion a resultá Sparta i Sub kampion Happy Boys.

Terser lugá tabata Unbreakable.

Mihó arime Kavoech i mihó Boche Errel.

Share This

Current track

Title

Artist

error: Content is protected !!