KRALENDIJK – Radio Live 99.9 FM a topa ku inspektornan di ‘Directie Toezicht en Handhaving’ ayera djadumingu riba trabou. Frensel Janga a menshoná ku riba òrdu di gobièrnu di Boneiru nan a bishitá alrededor di 15 supermerkado i toko i a tuma nota di preis di diferente produkto pa por ta na altura kon e preis ta i pa no bin kambio den e momentu aki. Esaki tin di aber ku e vírùs di korona. Gobièrnu ta prekupá pa e situashon i ta laga hasi e kòntròl pa evitá ku doñonan di negoshi ta kambia preis di produkto I probechá di e situashon. Nos a hasi un kòntròl na tur supermerkado i ta sigui ku e kòntròl durante e dianan binidero. 24 empleado ta riba pia pa hasi e kòntròlnan na diferente sitio, ”Janga di ‘Directie Toezicht en handhaving’ a konta. Tin hopi atenshon pa e situashon mirando ku resientemente na Aruba por a tuma nota kon diferente doño di supermarket a hisa preis, miéntras kantidat di hende tabata kumpra kos na gran kantidat debí na e asuntu di ‘Corona virus’.

Share This
error: Content is protected !!