KRALENDIJK – Djadumingu último ‘NGO Platform’ tabatin selebrashon 10 aña “BonDoet” i klousura di temporada 2020.E aktividat a tuma lugá na ofisina di NGO Platform i Dennis Martinus a menshoná na e okashon ku 2011 ‘BonDoet’ a kuminsá i a yama un di e pioneronan di ‘BonDoet’ Gianni van der Huevel. El a konta kon a kuminsá ku e aktividat di ‘BonDoet’ na Boneiru i kon nan a aserka  Hulanda pa informashon i despues ku a kuminsá e proyekto na Boneiru,  Hulanda tabata tuma informashon serka ‘BonDoet’. Di e forma aki a sigui desaroyá e proyekto te kaminda e ta awe. Diferente isla den bisindario a kontinuá despues ku Boneiru a kuminsá i awor henter Reino di Karibe ta organisá nan ‘BonDoet’. Annemarie Klöne tabatin e tareanan pisa den komienso,”van der Huevel a menshoná. Seguidamente a papia diputado Nina den Heyer i el a menshoná ku ta hopi importante pa nos yuda i sigui ku e aktividat di ‘BonDoet’. Boneiru ta ehèmpel pa mustra kon nos por traha huntu i hasi hopi. Apesar di e asuntu di vírùs di korona, hopi hende a hasi esfuerso pa a partisipá,”diputado den Heyer a menshoná. Finalmente a presentá riba esenario Gianno Diaz, e hóben ku a kanta e ‘jingle’ nobo di e aktividat di ‘BonDoet’.

????????????????????????????????????
????????????????????????????????????
Share This
error: Content is protected !!