Djamars último a tuma lugá un atrako na un establesimentu na Boneiru. Tabatin un sospecho ku e personanan ku a tira e atrako lo a purba bini Kòrsou via di laman. Pesei desde Boneiru Wardakosta a risibí e petishon di polis pa kontrola botonan sospechoso ku ta bini for di Boneiru direkshon di Kòrsou. 

Djawebs parti mainta Sentro di Reskate (RCC) di Wardakosta a detektá un boto sospechoso riba radar ku tabata nabega direkshon di Kòrsou for di Boneiru. Mesora Sentro di Reskate a dirigí e patruya di e cutter Jaguar pa bai kontrolá e boto sospechoso for di Boneiru. Wardakosta a informá polis i duana lokal tambe pa duna asistensha den e kaso akí. E boto sospechoso a nabega drenta Spaanse water bai direkshon di haf di piskadó na Caracabaai kaminda polis, wardakosta i duana tabata warda nan. Riba e boto a enkontrá dos sospechoso kual nan a ser detené pa polis. Seguidamente a bai ku e boto na pir di wardakosta na Parera kaminda polis, wardakosta i duana a eheresé un kòntròl intensivo riba e boto i a bin haña hopi plaka kèsh na bordo, kual a ser konfiská pa polis. E dos sospechosonan i e plaka kèsh a ser entregá na KPCN na Boneiru i nan lo sigui ku e investigashon den e kaso aki. 


KUSTWACHT HOUDT VERDACHTE BOOT UIT BONAIRE AAN 

Afgelopen dinsdag werd op Bonaire een overval gepleegd waarbij een grote som geld buit werd gemaakt. Van de politie in Bonaire kreeg de Kustwacht het verzoek om verdachte boten die richting Curaçao voerden te controleren. Het vermoeden bestond dat de verdachten van de overval per boot vanuit Bonaire naar Curaçao zouden varen. 

Donderdagochtend detecteerde het Rescue and Coordination Center (RCC) van de Kustwacht een verdachte boot die uit Bonaire richting Curaçao voer. Daarop stuurde het RCC de cutter Jaguar voor controle naar de locatie van de boot. Ook de politie en douane op Curaçao werden ingelicht om ondersteuning te geven in deze zaak. De verdachte boot uit Bonaire voer het Spaanse water binnen richting de vissershaven van Caracasbaai. Daar werden ze door de kustwacht, politie en de douane opgewacht. Op de boot bevonden zich twee verdachte mannen die door de politie zijn aangehouden. De boot is daarna naar de kustwachtsteiger gebracht waar men een intensieve controle aan boord heeft uitgevoerd. Gedurende de controle aan boord is een grote som geld gevonden dat door de politie in beslag is genomen. De verdachte personen en het geld zijn allemaal aan het KPCN overgedragen voor verder onderzoek in deze zaak. 



Share This
error: Content is protected !!