DIPUTADO NINA DEN HEYER TAMBE TIN SU PREKUPASHON PA E SITUASHON AKTUAL

KRALENDIJK – Diputado Nina den Heyer tambe tin su prekupashon pa e situashon aktual. ”Komo mama i mandatario mi ta komprondé prekupashon di e mama prekupá! Ta importante pa den e momentu di krisis aki nos purba tene kabes friu i tuma desishonnan balansá. Tin profeshonalnan trahando duru diariamente ya pa algun dia pa analisá e situashon i desaroyonan rondó di coronavirus. Kada fase di e trayekto aki tin su medida i restrikshonnan ku ta kuadra ku e situashon aktual. EBT ta reuní diariamente i abase di e analisis hasí dor di profeshonalnan gezaghebber ku ta na kabes di EBT ta tuma desishon. Komo diputado mi a sinta kaba ku entre otro skolnan i mi a papia ku gezaghebber riba e prekupashon aki pa asina tene kuenta ku esaki tambe den toma di desishon. Atrobe, komo mama mi tin tur komprenshon pa e puntonan di prekupashon di e mama prekupá. E punto di salida ta i ta keda siguridat i bienestar di nos komunidat den su totalidat na promé luga balansá ku medidanan apropiá pa kada fase den e kaso aki. Naturalmente den e fase aki no por stòp niun hende pa tuma nan medida di prekaushon segun nan propio evaluashon i sintimentu! Mi ta deseá pueblo di Boneiru pero muy empartikular tur mayor hopi forsa i sabiduria den e momentunan difisil aki” Diputado den Heyer a finalisá bisando.

Share This
error: Content is protected !!