KRALENDIJK – Pa medio di e mensahe akí Chirino Dental Clinic kier informá pueblo di Boneiru ku entrante di awe, lo tuma medida pa evitá transmishon di COVID-19 (coronavirus):

1. E dentista lo ta disponibel solamente pa kaso nan di urgensia.

2. Bou di urgensia nos ta kompronde: doló persisente i fuerte, infekshon, hinchamentu den boka/kara òf aksidente relashoná ku e djente.

3. Pashènt mester yama klinika promé. E number di telefòn ta: +599 717 8106 òf +599 786 3005

4. Tur tratamentu regular, manera kontròle/konsulta, limpiesa di djente i yena djente, lo keda posponé te ku otro aviso.

5. Muchanan bou di 18 aña i persona nan desabilitá mester bini akompañá ku solamente un persona mayor di edat. Esaki ta pa evitá aglomerashon di hende den e klinika.

6. Si bo tin síntoma di grip, fèrkout òf un tosá, por fabor NO BINI.

Nos ta prekupá pa e bienestar i salú di e publiko en general i di nos team dental. Nos ta apresiá bo koperashon, a medida ku nos lo superá nos prekupashon kresiente tokante di COVID-19. Nos ta deseá boso tur klase di suerte, i nos ta pidi tur hende pa kuida nan salú i evitá kontagio!

PA EMERGENSIA YAMA +599 717 8106 ÒF +599 786 3005 ENTRE 8’OR PA 9’OR.

Share This
error: Content is protected !!