KRALENDIJK – Awe djadumingu mainta algu promé ku 9’or, outoridatnan a keda dirigí ku urgensia pa Saliña na altura di Pink Beach pa un kaso di hogamentu.

Informashon ku notisia Live99 ta disponé di dje ta indiká ku 2 hòmber tabata bezig ku tarai den laman pa kwe piská i dado momento algu a bai robes i ku kabuya di e tarai a pega na pia di un di e hòmbernan aki. Dor di esaki e hòmber a guli hopi awa na momentu ku e tabata purba pa lòs su pia for di e kabuya.

Mesora ku yudansa di otro persona nan a logra tresele kantu i 2 ambulans a presentá na e sitio. Despues di a traha kuné na e sitio a logra poné e hòmber stabil i transporté ku urgensia pa hòspital. Algun ratu pasá notisia a drenta ku e hòmber a fayesé. Ta trata di e hòmber di inisial C.A nasé dia 24 di novèmber 1971.
E tabata tin 48 aña di edat.

Pas na su restunan i forsa na e famia nan den e momentunan difisil aki.

Share This
error: Content is protected !!