RALENDIJK  — Un persona kende a kompartí un eksperensia kaminda el a mira un hòmber poko grandi, sinembargo no por a aserk’é.

Ta un storia di e bario di Nort di Saliña, kaminda un persona a konta tempu e tabata hopi yòn e tabata bai fiesta, e tempu ei na Palermo Bar na Nikiboko awor ta yama (“Island Bar& restaurant” di e Chines “Jackson”) .

“Momentu mi a sali for di fiesta huntu ku 4 amigu den oranan lat di mardugá, nos a kana na pia te Nort di Saliña. E tempu ei tabata hopi skur i ta mondi tabatin kasi tur kaminda na momentu ku nos ta kana bai direkshon di kas. Nos tabata usa un ruta, esta kòrta kaminda pa nos yega nort mas rápido posibel. Nos tabata pasa banda di “Pachi’s Place”, e tempu aya e no tabata eksistí. Tabata un kaminda di tera i nos tabata kana un pasa bai te na e kas kaminda tabata Dios ku Nos. For di einan desviá poko i sigui kana bai sali riba Kaya Korona pega ku Casa Roys. Kabes poko pisa i kansa despues di a tuma basta ‘Zinzan’, un biña bon konosí e tempu aya. Ora nos 5 amigu yega na Kòr, awor ‘Mentor Bar’ aki nan kada un ta kohe nan ruta pa yega kas. Pues tur hende ta kana nan so i bai kas. Mi no tabatin miedu i mi tabata kana bai kas i hopi sa bisa ku den Nort di Saliña tin hòmbu grandi banda di klínika di dòkter, ántes tabata simplemente kas di famia. Un di e biaha nan ku mi tabata bayendo kas mi a mira algu straño. Esaki tabata un hòmber poko mas grandi ku un hende normal. Mi no tabatin bon bista debí na e distansha i a purba kana bai mas serka pa komprondé mihó loke mi tabata mira. Tabata un hòmber grandi i su pia no tabata mishi na suela. Ta parse e tabata zueif. Segun mi ta buska moda di aserk’é,  e tabata kana bai lagami. Ora ma yega den bisindario di Misa den Nort di Saliña, mi a legumai pasobra mi no por a yega loke mi tabata mira. Mi a kòrdá semper mi mama a bisami tene kuenta ku kos malu pero nunka promé, tampoko despues, mi a señalá kos straño, esta loke nos ta yama spiritu. Tabata e úniko bia ku esaki a sosodé den mi bista, e suidadano a konta. 

Share This
error: Content is protected !!