KRALENDIJK – Pa medio di esaki pastor Ivan di parokia di Rincon ta anunsiá ku pa motibu di e situashon di krisis okashoná dor di COVID-19, ta kanselá Simadan di Pastó 2020. Simadan di Pastó lo a tuma lugá e aña aki riba dos dia di Pasku di Resurekshon djaluna 13 di aprel 2020. E aktividat aki ta keda kanselá te otro aviso. Nos deskulpa pa kualkier inkonbiniensa ku esaki por trese ku n’e.

Pader Ivan ta pidi pa laga nos aprobechá e momentu di krisis aki pa nos aserká Dios. I den ambiente di famia reza i hasi uso di e oportunidat pa meditá riba su palabra i hasi obra di karidat, obedesido na tur rekomendashon ku nos autoridatnan ta pidi nos pa nos tene kuenta ku n’e. Señor bendishoná un i tur.

Pastor Ivan ta rekòrdá pa nos sigui den e kadena di orashon di tur 12or di mèrdia ora klòk ta bati. Forsa, ánimo nos ta vense semper den Kristu Hesus ku ta duna fortalesa.

Dios Su bendishon i pas!

Boso sirbidó,

Pader Ivan Dario Gomez

Share This
error: Content is protected !!