KRALENDIJK – Apresiado y Digno Pueblo di Boneiru,

Boneiru igual ku tur otro paisnan y suidadnan na mundo ta bibando den e gara di Coronavirus.

Te na e momentonan prome di a inicia e komunikado aki Boneiru ainda ta para como isla ku 0 kaso di Corona virus. Apesar ku tin duda bou di algun di boso nos mester mantene nos konfianza den nos Sistema di salubridad. Un gradisimiento ta bay na e diferente organizashonan representa den e Team di maneho y ku konhuntamente ta reunie diariamente , konhuntamente ku gobierno y na kabes nos gezaghebber. Momentonan extraordinario ta rekiri tambe medidanan extrordinario.

Boneiru semper a sa di sobresali den su respuesta na momento ku petishon ta worde hasi na cuidadania. Hopi di nos hendenan ta bay enfrentando un temporada hopi dificil, kaminda esnan di menos rekurso lo bay tin e mas dificil. Tambe un grupo grandi di esnan ku ta labora den sector di turismo lo pasa pa un periodo dificil. E manera ku e Coronavirus lo kambia nos bida ta premira sin ku nos sa kiko ta warda kada uno di nos , bien sea riba tereno di salu, nos economia y nos estilo di bida.

Coronavirus a trese oportunidadnan tambe di nos kualidadnan humano konhuntamente ku nos creatividad pa solushon den situashonan dificultoso. Oportunidad pa desplega e mehor di nos komo ser humano como cristianan komo personan ku afekto pa nan prohimo..

Den tempo dificil nos fe ku nos ta profesa mester refleha den nos akshonan. E yamado pa konhuntamente nos hiba un bataya kontra e plamamentu di e virus mester di un respuesta masivo. E distancia social ta toka nos den lo mas profundo. Momento di reflekshon pa pone nos diferencianan un banda y komo un pueblo duna respaldo na tur jamado ku por worde hasi na kada un di nos.

Medidanan mester worde respeta y consiensia mester worde krea ku nos tin e responsabilidad di proteha mediante nos akshonan nos grupo mas vulnerable ku ta nos grandinan den nos komunidad.

No ta pidi hopi solamente bo koperashon pa konhuntamente nos juda otro pa Sali dilanti den e crisis di e Coronavirus. Nos mester di otro den esaki

UPB ta pidi na kada un di boso habitantenan di Boneiru serenidad y ku gran sentido di responsabilidad mustrando nos humanidad pa konhuntamente hiba e bataya kontra e virus aki ku a bini pa kambia tur lokwal nos a pensa ku nos tabatin siguridad di dje.

UPB lo reza pa Boneiru su poblashon pa e no worde azota door di e virus di Corona y na momento ku e aparece nos tin forsa pa wantele pero pa esaki nos kada un mester rebiba nos fe.

Importante ta demostra respet y duna oido na e diferente instrukshonan ku ta worde emiti. Mantene bon a altura y di parti di UPB

Dios Bendishona Boneiru Dios ampara kada un di su habitantenan ta deseo di

Lider di Frakshon UPB den Konseho Insular Dra Esther. Bernabela

Share This
error: Content is protected !!