KRALENDIJK – Entrante djaluna 23 di mart Fundashon Mariadal, tur dòkter di kas i tur botikario a tuma sierto medidanan di prekoushon pa prevení òf redusí infekshon ku vírùs di corona.

E siguiente reglanan ta konta pa tur hende ku ta bishitá nos botikanan:

· Di awor en adelante diariamente un empleado di hòspital ta pasa buska resèpt serka e dòkternan di kas i poliklínikanan.

· Seguidamente e ta entregá e resèptnan na e botika di eskoho. E kliente ta indiká e eskoho aki.

· E siguiente dia despues di 15.00 or bo por buska bo remedinan na bo botika.

· Por pasa buska e resèptnan ku nan entregá djabièrnè, riba e siguiente djaluna despues di 15.00 or na bo botika.

· Tur botika lo ta será entre 12.00 or i 13.00 or, relashoná ku medidanan èkstra di higiena.

Den botika mester mantené un distansia personal di 1,5 meter. Esaki ta konta pa bali tambe. Si bira muchu drùk den botika, un empleado por supliká bo pa warda un ratu pafó.

Nos ta gradisí bo pa e koperashon i komprenshon,

Dòkternan di kas i botikarionan di Boneiru  

Share This
error: Content is protected !!