KRALENDIJK — Hende den pueblo ta sigui komentá. Algun suidadano a aserka un reportero di Radio Live 99.9 FM, i a bisa ta bon pa purba sende un lus serka James Finies di ‘Nos Ke Boneiru Bèk’. “No solamente Boneiru, sinembargo diferente parti si mundu pa no bisa tur ta den problema e asuntu di vírùs di korona. Bon pa James komprondé e motibu, entre otro pa Boneiru ta forma parti di e pais grandi yamá Hulanda. Nan ta bai Yuda nos. Hulanda e pais ku nos ta mara n’e, ta bai yuda nos, kisas e ta un obligashon, sinembargo di tur manera awor ku nos por bai ta den nesesidat grandi, nan tei i ya a menshoná ku nan ta kla pa yuda tur e islanan di Caribe hulandes. Tin bes tin hende ta kritiká Hulanda sin para ketu i wak kon kos ta kana. Tremendo pa ‘Nos ke Boneiru bèk’,nan lucha, pa Boneiru mes por disidí i hasi manera nos ke. Nos mes ta generá sèn sufisiente pa por kubri nos gastu i sobrebibí. Ta bon pa nos pensa mas leu ku nos nanishi ta largu, manera e dicho ta bisa. Loke ta pasando e dianan aki, islanan chikitu manera entre otro Boneiru no por yuda nan mes. Ku otro palabra mester bisa ta bon ku Boneiru a tuma e desishon pa nos ta dirèkt ku Hulanda. Biba Ramoncito Booi. Kòrsou a skohe otro i  a nenga pa bai dirèkt bou di Hulanda i si skucha notisia, bo ta komprondé ku ‘langzaam maar zeker’, kos ta kana den situashon difísil pa hermana isla Kòrsou. No ta malu di nan mi ta papia. Mi tin famia aya pues mi ke pa nan ta felis i stabil. Simplemente esei ta e bèrdat ku nan mes hendenan den posishon haltu ta mira i ekspresá. James mi ke bisabo, ta bon pa kritiká, pasobra esei ta tene gobièrnu i Hulanda na altura ku tin bista riba nan maneho pa e komunidat. Sinembargo no kaba ku Hulanda. Nos no por sin nan, manera nos tabata bibando djis promé ku vírùs di corona a presentá na China i awor otro partinan di mundu. Mi no ta kontra James, sinembargo ta bon pa pone atenshon na kiko realmente ta bon pa nos,” e hendenan ta komentá.

Share This
error: Content is protected !!