KRALENDIJK – Radio Live 99.9 FM a kòmbersá ku dòkter Hermelijn awe, un dòkter di kas na Boneiru i el a pone énfasis pa e hende pèrkurá pa e kurpa ta stabil. “Mundu ta den un situashon fastioso. Vírùs di corona aktualmente no tin remedi pa kur’é. Si bo ta fuerte i topa ku e vírùs, bo ta hañ’é i pasa bai lag’é.  Awor nos ta purba na ofisina pa hende no aglomerá. A hasi tur posibel pa no pèrmití hopi hende na mes momentu pa atendé ku nan. Ta kasi imposibel pa kontrolá tur hende ken tin vírùs di corona si òf no. Loke nos ta hasi na Boneiru ta evitá si akaso resultá ku e vírùs ta aki, ku e ta plama. E chèns tei ku tin hende ku tin òf tabatin e vírùs na Boneiru. E no ta sigur sinembargo por ta bon posibel. Kisas un persona a sinti algu i a isolá su mes i e dianan a pasa i e vírùs a bai. Ta hopi importante pa pone bo kurpa stabil. Vitamina C ta hopi importante, sinembargo lamunchi ta hopi bon pa e kurpa. Evitá pa topa hende i manera ta nos kultura i brasa otro. Awor no ta momentu korekto pa saludá un persona bras’é i sunchi. Laga bibida di alkohòl un banda manera entre otro serbes.  Ta hopi importante pa no yega serka nos hendenan di edat, esnan ku ta mas debil pa e vírùs di korona,”dòkter Hermelijn a menshoná.  

Share This
error: Content is protected !!