KRALENDIJK—Junior Janga mihó konosí komo ‘Jun jún’ manera hopi ta yam’é, un persona sèmper ku aktitut positivo. Fittipaldi Pietersz:”Jun jún tabata laborá na Patagonia Restaurant i na diferente okashon mi ta top’é, momentu ku mi ta aya pa kubri aktividat priva. 29 di febrüari 2020 mi a yega Patagonia i promé kos ku Pablo propietario di e restorant a bisami, ku e mihó kòki a aksidentá ku motosaikel. Ya mi tabata na altura ku e mardugá, nos amigu ‘Jun jún’ a haña aksidente.

Na Patagonia momentu nos topa nos ta kòmbersá i aña pasa el a informámi ku e tin un motosaikel i a mustrami e ko’i kareda. E di un kos pa kore basilá. Mi konosé hopi tempu pasa e tabata hopi aktivo ku motosaikel. Un persona ku hopi rèspèt p’ami, meskos ami pe. Tur momentu e ta kontentu. Si mi no ta kiboká e tabatin un 1986–750cc (blou ku blanku). Despues el a stòp di atendé ku motosaikel i algun tempu pasa el a bolbe kumpra un, esun ku e tabatin último. E no tabata move hopi manera ántes segun e ta kontami. Djadumingu último mi ta puntra  mi kasa, si e no a tende nada di ‘Jun jún’. El a kontestá no. For di dia mi a tende ku el a haña aksidente, mi a tene den orashon. Den mi mes mi a bisa mi a tene algun dia den mi orashon, i despues mi a sigui resa manera semper tur dia. Pues mi a asumí ku e ta rekuperando aya na Colombia, pasobra no a tende nada mas di dje. Ayera mainta mi a tende e tristu notisia ku el a bai sosegá den brasa di Señor. Hopi forsa pa e famia ku e pèrdida di nan ser kerí.” Riba ámbos potrèt Junior di 2 persona di robes pa drechi. Pablo a pidi pa saka e potrèt aña pasa durante un aktividat.

Share This
error: Content is protected !!