KRALENDIJK – Awe mèrdia alrededor di 12’or un reportero di Radio Live 99.9 FM a hasi un paseo den sentro di suidat. Ta e momentu mas okupá di dia i ta tuma bo por lo ménos 10 minüt pa por pasa mèrdia den sentro si suidat di un banda pa otro. Ta notabel un kaida drástiko di tráfiko. Práktikamente niun hende riba kaya den e área ariba menshoná. Algun outo ta bai bin i nada mas. Ta notabel ku e suidadano ta tuma e situashon na serio, kumpli ku loke ta e regla pa evitá kualke kontakto innesesariamente ku hende. Ta hopi bon pasobra si a kaso un persona tin kisas un simpel grip, e no por pega un otro kuné. Komunidat ta aktua korekto. Danki Dios, na Boneiru no tin niun kaso di e vírùs di corona.  

Share This
error: Content is protected !!