KRALENDIJK – Ayera atardi lat gezaghèber di Boneiru Edison Rijna a dirigí palabra na komunidat di Boneiru relashoná ku e situashon aktual pa loke ta trata vírùs di corona. E a papia tokante e medidanan ku a tuma i ku tur hende mester kustumbrá i kumpli kuné. “Mi ke kuminsá ku e partisipashon ku ainda nos konosé 0 kaso di kontaminashon na Boneiru. A hasi 7 tèst, tur 7 tabata negativo. Na total tin 84 persona den karentena awor. Kontal ku mi ta kontentu ku ainda no tin kontaminashon, nos ta asumí sí ku e vírùs di corona lo yega Boneiru. Nos mester realisá ku e situashon por kambia di un dia pa otro, ounke ku nos ta hasi tur kos na nos alkanse pa posponé e momentu ei. Mi ta kontentu ku mayoria persona ta tene nan mes na e medidanan restriktivo i ku por lo general ta keda trankil. Nos ta haña hopi señal di ‘fake news’. Mi ta spera ku esnan ku ta trese ‘fake news’ dilanti, ta realisá nan mes ku nan ta pone nan mes i otronan den peliger ku esaki. Ta hinka tempu innesesario den verifikashon den e ‘fake news’ aki. Tempu ku por a usa di manera konstruktivo tambe pa para e vírùs di corona na un manera efektivo. Tambe nos ta risibí señalnan ku no ta alkansá sierto gruponan adekuadamente. For di departamentu di komunikashon ta traha duru pa, banda di komuniká na kuater idioma, desaroyá mas medionan pa personanan ku nivel di alfabetisashon mas abou. Tambe nos ta nota petishon pa mas komunikashon di sifra. Mi ke enfatisá na un i tur ku nos ta den un otro fase ku nos hermana islanan. Nan a konfrontá nan mes ku e vírùs di corona kaba i pa e motibu ei ta nesesario pa nan komuniká mas informashon na komunidat en partikular, fortalesé e medidanan tumá, pa evitá mas distribushon di e vírùs. Esei no ta kita ku nos tambe mester komuniká hopi. Pa esaki nos ta hasi nos máksimo esfuerso. Konsultá e kanalnan ofisial di Rijksdienst Caribisch Nederland i Entidat Públiko Boneiru. Ta distribuí informashon via di spòtnan na radio i ‘infographic’. Informashon aktual i preguntanan frekuente tokante e vírùs di corona i nan kontestanan ta optenibel den kuater idioma riba e wèpsait https://www.rijksdienstcn.com/covid-19. Tambe bo por yama e callcenter na 0800-1351 Gustosamente mi ke amplia riba tres informe ku nos a publiká. Na promé lugá e ayudo médiko ku nos ta haña for di Colombia i Hulanda. Mi ke enfatisá ku esaki ta komo preparashon pa un ‘worst-case-scenario’. No pasobra e ta nesesario awor, sinembargo di forma preventivo. Sá ku nos lo informá bo direktamente si tin kasonan di tèst positivo, nos ta sinti nos obligá di hasi esaki. Na bienestar di e isla mi lo informá boso mesora tokante esaki. Den promé instante nos a enfoká riba 7 di aprel. EBT ta purba adelantá esaki. Pasobra te ainda no tin kontaminashon na Boneiru i tampoko no tin buelo ainda, sinembargo esaki ta solamente despues di risibí konseho di RIVM. Mi ta spera di risibí esaki mas lihé posibel i trata esaki den EBT. E konseho di Salubridat Públiko tambe ta pisa den esei. Paso mester chèk hendenan ku regresá Boneiru i nan mester bai den karentena. I si tòg nan bira malu, mester kuida nan.. A disidí esaki siguiendo konsehonan di RIVM, komo medida preventivo adishonal pa protehá kontra e vírùs di corona. Lo komuniká mas tokante esaki via di un komunikado di prensa. Manera mi a bisa promé kaba, EBT ta reuní diariamente,” gezaghèber Rijna a menshoná.

Share This
error: Content is protected !!