KRALENDIJK – Hopi por kòrda kon algun aña pasa Duana di Boneiru a risibí algun kachó spesial ku ta fasilitá nan tarea di kontròl i lamentablemente un a fayesé. Ta trata di 4 kachó spesial prepará i esun mas importante, ku por a detektá entre otro koral, momentu ku biaheronan ta intentá pa sali ku esaki for di e isla, a fayesé. Debí ku algun persona a hasi e pregunta na reportero di Radio Live 99.9 FM tokante e kachónan di duana, a tuma kontakto ku e persona konserní pa informashon di e kachónan di kontròl. Radio Live 99.9 FM a papia ku Raynold Wilsoe, kende a menshoná ku nan ta buskando un otro kachó i e proseso ta kanando. Debí na e situashon ku a presentá awor tokante vírùs di corona, ta tuma poko tempu èkstra pa e kachó ta na Boneiru i forma parti di e otro nan. El a menshoná, pa mas tarda 2021 duana di Boneiru ta disponé di 4 kachó, ku ta yuda e parti di kontròl. Na e momentu aki ta hasi kontròl ku 3 kachó i e situashon ta bou di kontròl, “Wilsoe a menshoná na Radio Live 99.9 FM.

Share This
error: Content is protected !!