KRALENDIJK – Awe mèrdia hues a dikta sentensia den kaso di apelashon, kaso kaminda Kevin C., kende a kita bida di Padò Josephia na 2018. Akusado Kevin a sigui e kaso for di den prison pa medio di konferensia di video.   

Hues a menshoná ku no a haña niun arma di kandela huntu ku Padò, tampoko den su bisindario. “Pues di ningun manera no ta kuadra ku e tabatin arma di kandela. Bo a hasi bo mes kulpabel di asesinato i ku arma di kandela den bo poder. Ta algu serio i a spanta komunidat, loke a sosodé. Banda di e suseso, bo tabata den temporada di prueba i a kometé e asesinato di Padò. Bo abogado a pidi, sinembargo mirando e seriedat di e kaso, no por duna un kastigu ménos ku loke ya nos a pidi p’abo. Na e momentu aki no ta bai papia di daño di perwisio, debí ku e otro partido no ta presente den sala di korte. E kastigu di 22 aña ta keda pa bo persona, kitando loke bo a sinta den aresto preventivo. Mester paga 3422 dòler komo daño di perwisio. Si no kumpli ku e pago tin ku sinta 44 dia èkstra den prison,”hues a menshoná. Kevin C. a reakshoná riba pregunta di hues i a bisa ku el a tende loke hues a menshoná. Hues a finalisá tratamentu di e kaso i a bisa Kevin e tin 14 pa reakshoná relashoná ku e sentensia. Potrèt ta saká dia a sentensiá Kevin promé bia, debí ku awe e no tabata presente den sala di korte Henk W. Welvaart, debí na e petishon riba e isla, pa distansha sosial relashoná ku vírùs di corona.

Share This
error: Content is protected !!