KRALENDIJK – Karta di suidadano Noel Janga relashoná ku e situashon di vírùs di corona.”

’Blue destination’ ta e plan maestro ku nos inteligentenan lokal a stipulá pa e próksimo 10 aña binidero. Esensia di ‘blue destination’ – masterplan 2030 ta funda gran parti ariba turismo. Pero manera nos tur awor aki por realisá ku djis un enfermedat mundial por paralisá tur kos i krea un buraku finansiero enorme. Segun e pioneronan di ‘blue destination – masterplan 2030’, e proyektonan pa ku turismo di e vishon aki lo mester bira e fuente esensial di entrada pa kombatí pobresa pa ku nos hendenan lokal. Nan lo wòrdu di train pa traha ku turista i nan entrada finansiero lo ta limitá na kuater strea. Laga ku nos por siña di loke ta pasando ku nos rumannan di Aruba di kual nan pilar ekonómiko ta turismo. Esei ta nifiká anto ku nos no mester di turismo na Boneiru?  No, nos por tin sierto benefishinan finansiero di turismo, pero nos no por hasi turismo nos dependensia finansiero.

Nos no tin te ku awor aki ningun kaso di covid19 aki na Boneiru pa motibu ku nos ta un isla chikí isolá den laman Karibe i pa motibu ku e úniko manera ku e enfermedat por yega aki ta dor di un persona òf personanan ku ta bin djafó ku ta kontaminá. E medidanan pa sera frontera ta e di dos motibu dikon nos ta imun ainda pa e situashon aki . I e por keda asina si tur hende koperá. 

E situashon mundial pa ku e pandemia covid19 aktualmente mester hasi nos konsiente ku nos no por dependé siegamente ariba turismo so. Mi no ke ta pesimista simplemente mi ta konsientisá.

Mi a tende ya kaba ku gezaghebber i kolegio ehekutivo a disponé 7.5 mion pa yuda komersiante ku ta hiba pèrdida finansiero pa motibu di e pandemia aki. Mayoria kompanianan ku ta traha ku turista. Di kual gran mayoria ta di doñonan imigrá ku a bin pa usa nos isla pa hasi negoshi di turismo. Sèn ta bai wòrdu saka fo’i kaha di pueblo Boneriano pa yuda e kompanianan aki. E pueblo mes lo no tin ningun benefisio di esaki. I nos mester yuda tur pasobra tur ta ariba e isla aki.

Nos ta un pueblo chikí apénas 21000 habitante, sinembargo nos miniatura ta e motibu dikon nos ta un tiki mas protehá di influensianan ku ta bin di afó. Laga nos kuminsá komo pueblo i gobièrnu na realisá ku nos por marka un diferensia ariba mundu pa kon chikí ku nos por ta. Nos no mester imitá e mundu eifó den tur kos pa nos tambe no tin mester di paga e mes un preis ku nan lo paga eifó pa nan desishonnan. Esaki no ta e promé pandemia ni lo ta e último. Kiko nos aki na Boneiru por siña di e situashon aktual?

Komo suidadano Boneriano mi ta opiná. No pa kritiká niun persona, organisashonnan òf hunga wega polítiko sino pa konsientisá. Sabiduria tin mas balor ku inteligensia. 

Aki na Boneiru te ainda no a konstatá ningun kaso ainda. Tur medidanan tuma te ku awor aki ta dunando su fruta. Tur pasaheronan lokal ku pa un òf otro motibu ta regresá mester wòrdu bon kontrolá si enbèrdat nan ta mantené nan karentena 14 dia isola segun reglanan di higiena.

Tur pániko ku lo por wòrdu innesesariamente krea pa medionan. Mester keda na banda di e realidat.

Algu ku gobièrnu i esnan te na e momentunan aki responsabel pa mantené siguridat humanitario aki na Boneiru mester tene na kuenta tambe ta, ku apesar ku ta karga so por drenta aktualmente, pero ta personanan vulnerabel pa e pandemia ta trese esaki Boneiru. Mester tin un plan kon pa hasi e interkambio aki mas kouteloso ku ta posibel.

TA di aploudí tur medidanan di protekshon, i  ta despues di 14dia ku e último persona ku a yega Boneiru terminá su karentena por konkluí ku e pandemia aki no ta aki na Boneiru. Tur pániko òf guesmentu ku por originá den pensamentu di hende tin ku wòrdu kontrolá i aprobá dor di realidat, segun kon e situashon diaro ta desaroyá. Pasobra pániko innesesario basa ariba pensamentunan ku no ta respaldá pa realidat ta bai trese mas perdidanan finansiero i strobamentu di funshoná diario den komunidat. Mester prevení pero mester keda realístiko i aktua segun nos situashon aki na Boneiru.

Kada suidadano mester husga pa su mes konforme e realidat di Nos aki na Boneiru . Paso niun outoridat no por bin kita niun hende for niun snack si no tin ningun prueba konkreto ku tin vírus aki. Nos mester keda ku nos pianan ariba tera i focus ariba e posibel senarionan di infiltrashon aki ku man duru pa tene nan pafó di e pida baranka aki. Pasobra keremi e imigrantenan imigrá aki tin mas pániko ku e mayoria hende lokalnan.

Gezaghebber públikamente mes a kondena e echo ku grupo di imigrantenan H.E residensia aki pa nan akshon na èrpòrt algun siman pasa.

Un otro pregunta hasi dos bia na gezaghebber den e promé konferensia di prensa isolá siendo ku no tin ningun prueba konkreto ainda ku e pandemia  aki taki tabata,  kuantu hende a bin kontrolá?

Bo no tin nada di bai kontrolá si bo no ta sinti niun síntoma. Vèrkout tur semper ta den komunidat. Lokual ku ta hasi Hopi hende drenta pániko sin ta nesesario ta pasobra e síntomanan di covid19 ta kasi similar ku vèrkout,”Janga a skirbi den su karta.

Share This
error: Content is protected !!