KRALENDIJK – James finies di “Nos Ke Boneiru Bèk” a papia relashoná ku loke a sosodé resientemente ku tratamentu di su kaso den korte. E a ekspresá durante e entrevista ku Hues nan tin miedu di bai korte pa trata su kaso. Finies: ”Nos a tuma nota di boso desishon arbitrario di 17 mart 2020 pa ninga ami mi derecho humano pa mi kaso keda atendé den un korte públiko. Polis a arestá ami ilegalmente I a usa deklarashonnan falsu di e polisnan Charlie Mercelina, Reagan Nicolaas i Ronald Schleper, riba e kaminda, lokashon ku mester a manifestá  I ku mi a resistí detenshon. E fiskal Blanco, representá pa e Prokurador General Bos, a suprimí mi derechonan fundamental humano di libertat di ekspreshon,asamblea I manifestashon, e pilarnan prinsipal di estado di derecho di un pais demokrátiko. E desishon pa no por bai korte, ta derivá ami di e posibilidat pa eksponé e akshonnan di polis komo froudulento i pa prueba ku mi aresto riba 6 sèptèmber 2019 ta ilegal basa riba interpretashon arbitrario di e hecho nan. 

Mi nòmber a keda difamá pa e akshonnan di polis i e fiskal sin un kaso i huisio den korte; ami a keda kondena pasobra e sepo kondishonal di e kaso no a deklará ami komo inosente pa e fiskal Blanco ku a forsa ami pa firma i bai di akuerdo ku deklarashonnan fabriká, sinembargo ku mi no firma. No ta e meta di e sistema hudisial ku ami ta inosente te ora ku prueba ku mi ta kulpabel? Mi derecho pa mi nòmber ta di ‘clear’ i restorá den kaso di korte ta wòrdu ninga ku e desishon di 17 mart 2020. Irónikamente e mesun siman un grupo a protesta na Rincon sin a notifiká i sin pèrmit i niun hende no a wòrdu arestá.

Ta apsurdo ku den boso desishon ku boso ta deklará ku no tin niun medio legal kontra e desishon aki.

Pa medio di e karta aki por lo tantu mi lo kompartí mi parti di e loke a pasa i presentá hecho nan ku atraves di esakinan e bèrdat lo sali na kla i hustisia lo prevalesé.

Boso desishon tabata basa riba lo siguiente ( annex 1)

  • “ku e pèrmit pa un manifestashon pasífiko a wòrdu pidi i duna pa e gezaghebber ku un lugá spesifiká por eskrito i ku órden públiko no lo wòrdu violá”
  • ku e rapòrt di polis I fiskal ku boso ta usando ta afirmá ku: “Mi a wòrdu pidi pa bai para na e lugá indiká” i  dor di esaki a kuminsá un diskushon “riba interpretashon di e lugá indiká”
  • ku e polis Charlie Mercelina a aportá adishonalmente riba 24 Òktober 2019 na boso i ku esaki tabata despues di nos keho na boso ,  ku evidensia fábrika ku nunka tabata eksistí promé- un sketch/ situashon di e área ku un lugá marka kaminda mi tabata ‘supose’ pa para (annex 2)

     

    Kontrario na e vershon aki, mi ta presentá na boso mi parti di e kaso, ku boso a ninga ami pa por a trese dilanti. Tur esaki ta basa riba hecho nan inkluyendo un grabashon di video (wak annex Youtube link) I no e rapòrtnan fabriká despues dor di polis I fiskal

     

    E karta athuntu di gezaghebber Rijna (annex 3) ku ta duna pèrmit pa manifestá( esaki ta engañoso pasobra un derecho humano no ta suheta na permiso di ningun outoridat) punto 1: “komo lugá di demonstrashon ta designá Wilhelminaplein na Kralendijk, otro banda/enfrente (tegenover) di e stage/podium permanente ei nan” E siguiente hecho nan lo mustra ku polis Charlie Mercelina nunka a bisa e bèrdat den su deklarashonnan. Di akuerdo ku su deklarashonnan, e ta verbalmente I por eskrito ta deklará/reportá dos diferente lokashon ku ta kontradiktorio ku e lugá/lokashon indiká den e karta di gezaghebber.

     

    Akusashon #1: “no a kumpli ku kontenido di e pèrmit” 

    E polis Charlie Mercelina a aserka ami I bisami ku kaminda mi tabata para e momento ei, otro banda/enfrente (tegenover) di e podio permanente , ku un mesa chikí ku korant ku informashon I dos bandera, un di Bonaire i unu di Nashonnan Uni representando lei internashonal i nos Derechonan Humano i un mannequin/pòpchi ku un T-shirt riba dje Re-listing Bonaire riba lista di Teritorionan-Sin -Propio -Gobernashon di Nashonnan Uni,i kompañá pa dos kolega, i nos no tabatin niun bòrchi di protesta, no tabata tin músika, sin kantamentu/protesta, nada, I aleha na banda for di e pasada, i banda di e bus grandi di media di NOS TV , I ku ami mester move bai para ARIBA e podium/stage. Mi a pidi polis Mercelina pa lesa e karta e mes pasobra den e karta no tin skirbi ARIBA e stage/podium permanente pero na OTRO BANDA /ENFRENTE (tegenover) di e stage/podium permanente, eksaktamente kaminda mi tabata para na e momento ey. Nos tur dos tabata di akuerdo ku su instrukshon tabata kontrali ku loke tabata skirbi den e karta. Ami a pidié e ora ei ku si e por bai puntra gezaghebber ku si e por bini splika nos e/su karta, pasobra ku esaki tabata kompletamente kontrali na e petishon di polis Mercelina. Polis Charlie Mercelina  bai I supuestamente pa puntra gezaghebber.  Polis Mercelina a bolbe bek den masoménos 10 minüt I bisa mi pa bai para ARIBA e stage/podium manera ta indiká den e karta I ami atrobe a puntra polis Mercelina ku e ta puntra ami pa bai para ARIBA e stage/podium? Polis Mercelina a respondé SI , ARIBA e stage/podium permanente. “Ami a bise ku no ta esaki tin para den karta ku Mercelina ta pidi ami pa kumpli kuné. E ora ei dikon ami tin ku move, i loke e no por a kontradesími kontesta pasobra ta para klaramenta OTRO BANDA/ENFRENTE (tegenover) i no ARIBA di e stage/podium permanente?   

     

    Akusashon #2:”pa no violá/stroba órden públiko”

    E ora ey polis Charlie Mercelina despues e no por a kontesta mi pregunta e ora ei pidi ami pa bai para ARIBA e stage/podium basa riba punto #4 di e kondishonnan mara na e pèrmit : “ku wòrdu i instrukshonnan di polis mester wòrdu sigui di inmediato na interes di órden públiko, pas i seguridat”. Ami e ora ei a puntra polis Mercelina pa splika ami di kua manera I kon ami ta stroba o violá órden públiko, pas i seguridat pa ku su òrdu”

     

    Di manera ku atrobe polis Mercelina no por a kontesta mi pregunta i basa riba e karta di pèrmit mi a bis’é ku si mi sigui su òrdu, ami lo obedesé un òrdu ilegal. Polis Mercelina a bisa ku e polisnan mes lo kita e mesa, korantnan I bandera etc i ami a bis’é ta ku esaki ta oké, pero loke e komo polis ta pidiendo ami ta trapa i violashon di nos derechonan humano.

     

    E ora ei polis Mercelina a disidí di yama e otro polisnan pa bini I kita e kosnan manera e la bisami e lo hasi. Ami no a bis’é nada , mi no a risistí, mi no a purba di stòp nan pa kita e kosnan. Polis Mercelina nunka a bisa mi ku ami lo wòrdu arestá o algu asina pasobra e diskushon tabata masha simpel diskushon faktual basa riba e karta di pèrmit ku ta skirbi  OTRO BANDA/ENFRENTE(tegenover) i polis Mercelina ku tabata bisa ami ku esaki ta nifiká ARIBA. Na niun momento, ami tabata agresivo, ni verbalmente ni físikamente. Ami solamente tabta hasi preguntanan ariba menshoná.  Den e video athuntu ku mi ta referí n’e, bo por skucha, i komprendé ku e deklarashon/rapòrt ku polis Charlie Mercelina i e otro polisnan sostené pa fiskal Blanco ta inkorekto i ta kontené informashon fabriká ku ta kontradiktorio.

     

    Akusashon #3: “resistí detenshon”

    Esaki tabata resultado di e interakshon “provoká”ariba menshoná, kaminda kada momento, segundo, ami tabata pasifiko I di ningun manera ni verbalmente ni físikamente no a usa niun palabra malu o ofensivo o nada I solamente tabata ehersé mi derecho fundamental humano di manifestashon pasífiko i libertat di ekspreshon”. Den mi bista, ami a eksperiensha uso eksesivo o abuso di poder di parti di polis i ami lo presentá e hecho nan aki den mi próksimo karta habri.

     

    Mi a skirbi e karta habri aki ku e solo intenshon i speransa pa sirbi nos komunidat i e sistema hudisial. Den un estado demokrátiko i sistema hudisial, e estado di derecho espesialmente a wòrdu krea pa protehá e suidadano for di e posishon-di-poder di gobièrnu, i no pa arbitrariamente disidí ku “ami ta kulpabel te ora ku mi wòrdu proba inosente” I nengando trapando mi derechonan humano. Primeramente mi derecho universal derecho di ekspreshon liber I despues mi derecho humano pa un huisio hustu o pa wòrdu tende mi parti di e kaso den un kaso di korte públiko, i ku tur esaki ta basa riba e prekupashon ku ta e bèrdat i hustisia boso ta buskand,” Finies a termina bisando.
Share This
error: Content is protected !!