KRALENDIJK – Un dama di bario Tera kòrá ta konta su eksperensia di kos straño ku a sosodé. “Un biaha mi ta drumi na kas i e kas tabata pegá ku kaya. Mi ruman i ami ta drumí i mi ta tende kadena ta lastra bin pabou den kaya. Tabata mardugá i mi tabatin miedu i no a lur pafó wak ta kiko. Diferente biaha esaki a sosodé i mi tabatin hopi miedu. Kadena lastra pasa i kachó nan ta keda yora i blaf hasi bochincha. Hendenan di edat ta bisa ora kachó ta hasi mahos, ta pasobra nan a wak spiritu. Esaki tabata un kas den bario Antriol pariba.   

Mi no a nase den saku te asina leu ku mi sa, sinembargo mi ta mira hopi kos straño. Nan ta bisa si bo nase den saku, bo ta mira kos straño òf spiritu. Na mi kas mi ta tende hopi kos zona den kushina siendo ku tur hende ta drumi. Tempu mi tabata biba na Atriol. Bo ta drenta den un ansha, pasobra bo no sa ta kiko. Mi a yega di mira un kos na kas i mi a grita mi mama pa bin serka mi, i ora bis’é kiko a sosodé, e no ta mira nada.  

Tambe ántes tabatin un kas blou pega ku ‘Tung Fong Store’ ora nos kana pasa ei dilanti kortina di kas ta hala sinembargo no tin niun hende den e kas. Nan a kombertí e kas aki den un misa i despues di tempu nan a bash’é abou. Si abo ta deseá di konta algu straño ku bo a eksperensia, por tuma kontakto ku Fittipaldi Pietersz na number di telefon:7905999 òf “What’s App”.

Share This
error: Content is protected !!