KRALENDIJK – En konekshon ku e medidanan ku gobièrnu a tuma pa prevenshon di e vírùs covid-19, TELBO tambe a introdusí algun medida pa por garantisá bo siguridat i esun di nos Empleadonan.

Nos ta pidi bo kariñosamente pero firmemente pa semper tene bo mes na e medidanan imponé pa gobièrnu, i tambe na e medidanan imponé pa TELBO.

Entrante 24 di mart 2020 a introdusí e siguiente medidanan preventivo:

Distansiamentu Sosial:

– Nos ta supliká bo pa limitá mas tantu posibel kontakto personal ku nos empleadonan. Hasi esaki komunikando pregunta i storing via telefòn ku nos i hasi bo pagonan online.
Si tòg bo tin ku pasa na nos ofisina, nos ta pidi bo pa ora bo drenta nos ofisina, desinfektá bo mannan na e dispènsernan indiká. Despues, bai sinta na e lugánan indiká riba flur.

– Nos ta hasi tur loke ta posibel pa solushoná bo storingnan riba distansia. Den kaso ku nos servisio tékniko tin ku pasa serka bo, nos ta pidi bo kooperashon den esaki. Téknikonan lo pidi bo yudansa pa bo mes hasi mayoria di akshonnan paden di kas. Sigui nan instrukshonnan bon. Den último kaso, 1 tékniko lo drenta bo kas. Aki nos ta pidi bo kariñosamente pero firmemente pa tene un distansia sosial di 2 meter for di e tékniko.

– Pa aplikashon di servisio, mudansa i tur otro aplikashon, manda un WhatsApp message na 777-1100. Bo aplikashon lo ser prosesá i lo bo risibí mas informashon via WhatsApp (No hasi yamada pa e number aki, solamente mensahe di WhatsApp)

– Solamente pa petishon pa sera servisio mester pasa personal na TELBO. Trese e aparatonan na momentu ku bin hasi un petishon pa sera servisio (Modem di Fiber si mester permanesé kaminda e ta instalá)

Orario:

Pa protehá gruponan di riesgo mas tantu posibel, e siguiente medidanan ta na vigor:

– Ta pèrmití maksimalmente 3 kliente na mes momento. Tambe ora ta warda, nos ta pidi bo pa mantené distansia sosial. Bo no ke warda den rei, paga bo kuenta online òf tuma kontakto telefóniko ku nos pa tur bo problemanan.

– Entre 08.00 i 10.00, solamente esnan riba 60 aña por pasa na TELBO pa paga nan kuenta. Aki tambe ta konta ku ta pèrmití maksimalmente 3 kliente na mes momentu.

– Entre 10.30 i 15.30 otro klientenan por pasa na TELBO pa paga nan kuenta. Aki tambe ta konta ku ta pèrmití maksimalmente 3 kliente na mes momentu.

Nos ta gradisí bo pa bo koperashon den esaki pa asina huntu mantené nos komunidat for di peliger.

Be safe and stay safe!

Share This
error: Content is protected !!