KRALENDIJK – Relashoná ku vírùs di corona, diputado Elvis Tjin Asjoe a dirigí palabra na komunidat. Kolegio Ehekutivo e siman akí a tuma desishonnan pa aliviá e konsekuensianan sosioekonómiko di e krísis di corona pa siudadano-, kompania-, fundashon- i personanan ku ta traha riba nan mes.

Diputado Tjin Asjoe: ”E medidanan aki tin di aber ku un promé fase pa un periodo di 3 luna. Nan ta un komplementashon riba e medidanan ku Gobièrnu Sentral a anunsiá i ta dirigí riba situashonnan lokal spesífiko. Nos a hasi uso di e input di stakeholdernan lokal ku nos a konsultá intensivamente e último simannan. e.o. BBE, BONHATA, BHG,TCB, KvK,VBIS (Vereniging Bonaire Importeurs en Supermarkten), VVAB (Vereniging van Administratiekantoren en Belastingconsulenten BES)Banken, Curo, Makelaarsvereniging, USIBO i UNKOBON.

Dependiendo di e desaroyonan di e momentu por ahustá e pakete di medida kaminda ta nesesario. Kolegio Ehekutivo al respekto ta habrí pa sugerensianan konstruktivo di komunidat.

Ta finansiá e medidanan mas for di e fondo di emergensia, pero pa por pone esaki e lo mester kana un proseso rápido pa CFT, Konseho insular i na final BZK. Asina ku e medidanan ta mas detayá, inkluso e kondishonnan ku mester kumpli kuné pa por  hasi un apelashon riba areglonan, nos lo publiká esakinan.

Medidanan pa e sektor ekonómiko

– Pa kompanianan ku no opstante e medidanan di sosten di Gobièrnu Sentral resultá ku nan no ta kapas pa karga nan gastunan mensual fiho, ta krea un fondo di emergensia di 3 mion dòler for di kua por suministrá un kompensashon pa gastunan di hür, awa i elektrisidat bou di kondishonnan estrikto.

– Pa medio di un ofisina ku ta bai lanta lo ofresé trahadónan ku pèrdè nan trabou, un kontrato di trabou alternativo ku ta di importansia pa komunidat. Pa esaki ta pone 750.000 dòler disponibel.

– Pa tur produkto den supermerkado ku ta kai bou di produktonan di promé nesesidat, entrante inmediato, tin un paro di preis na vigor. Sekshon di Asuntunan Ekonómiko ta monitòr esaki. Empresarionan ku haña nan mes konfrontá ku pèrdida di márgen supstansial pa motibu di gastunan di kompra ku a subi por mèldu nan mes ku e bòn nan di kompra serka OLB na direktorado R&O i OLB lo permití pa hisa e preisnan. Ta publiká mas pronto posibel un lista di produkto ku ta kai bou di e paro di preis.

– OLB lo kumpra produkto- i servisio lokalmente, a ménos ku no por haña esakinan lokal. Ta kurashá RCN i kompanianan pa hasi meskos.

– Sekshon di Finansa lo paga fakturanan ku manda pa OLB, ku ta kumpli ku e kondishonnan usual, denter di maksimal 10 dia di trabou.

– Pa pago di kobransanan lokal (ku eksepshon di impuesto pa vehíkulonan motorisá) i èrfpagt tin (temporalmente te 30 di yüni 2020) un areglo di suspenshon. Bou di esaki ta kai tambe impuesto di turista i impuesto di hür di vehíkulonan motorisá pa e promé kuartal di 2020.

– Ta pidi empresario-/hürdónan (propietarionan) pa meskos ku bankonan, tene kompashon ku klientenan.

– Ta pidi ministerionan pa adelantá proyekto- i invershonnan ku ta planiá pa mas despues e aña akí.

– Ta pidi TCB pa denter di 2 luna prepará un plan di rekuperashon turístiko ku por aselerá rekuperashon di turismo, asina ku kita e limitashonnan di biahe internashonal. Pa finansiá esaki ta krea un fondo di relashon públiko i merkadeo adishonal,” diputado a menshoná.



GEDEPUTEERDE TJIN ASJOE OVER BC-BESLUITEN INZAKE CORONACRISIS

KRALENDIJK – Het Bestuurscollege heeft deze week besluiten genomen ter verlichting van de sociaaleconomische gevolgen van de coronacrisis voor burgers, bedrijven, stichtingen en zelfstandigen.

Deze maatregelen betreffen een eerste fase voor een periode van 3 maanden. Zij zijn bedoeld ter aanvulling op de maatregelen die het Rijk heeft aangekondigd en zijn gericht op specifieke lokale situaties. Wij hebben dankbaar gebruik gemaakt van de input van lokale stakeholders met wie wij de afgelopen weken intensief hebben overlegd o.a. de BBE, BONHATA, BHG, TCB, KvK,VBIS (Vereniging Bonaire Importeurs en Supermarkten),VVAB (Vereniging van Administratiekantoren en Belastingconsulenten BES), Banken, Curo, Makelaarsvereniging, USIBO,UNKOBON.

Afhankelijk van de actuele ontwikkelingen kan het pakket maatregelen waar nodig worden bijgestuurd. Het Bestuurscollege staat daarbij open voor constructieve suggesties uit de gemeenschap.

De financiering van de onderstaande maatregelen vindt plaats vanuit het noodfonds, dit zal via een versnelde procedure goedkeuring moeten krijgen van het Eilandsraad en BZK door tussenkomst van het CFT. Naderhand zullen de maatregelen in detail worden toegelicht, inclusief de voorwaarden waaraan moet worden voldaan om aanspraak te kunnen maken op regelingen.

Maatregelen voor de economische sector

– Voor bedrijven die ondanks steunmaatregelen van het Rijk niet in staat blijken hun vaste maandelijkse kosten te dragen wordt een noodfonds van 3 miljoen dollar gevormd waaruit bijvoorbeeld een tegemoetkoming voor kosten van huur, water en elektriciteit kan worden verstrekt onder strikte voorwaarden.

– Werknemers die hun baan verliezen wordt via een op te richten bureau onder een tijdelijk contract alternatief betaald werk aangeboden dat van maatschappelijk belang is. Hiervoor wordt 750.000 dollar beschikbaar gesteld.

– Voor alle producten in supermarkten die onder de eerste levensbehoeften vallen geldt per direct een prijsstop. Dit wordt door de afdeling Economische Zaken gemonitord. Supermarkten die geconfronteerd worden met substantieel margeverlies door hogere inkoopkosten dan kunnen supermarkten zich met de desbetreffende inkoopbonnen melden bij het OLB bij directie R&O en zal het OLB toestaan om de prijzen te verhogen. Een lijst van producten die onder de prijsstop vallen wordt zsm gepubliceerd.

– Het OLB zal producten en diensten lokaal inkopen, tenzij deze niet lokaal verkrijgbaar zijn. RCN en ondernemingen worden aangemoedigd hetzelfde te doen.

– De afdeling Financiën zal aan het OLB gerichte facturen die aan de gebruikelijke voorwaarden voldoen binnen maximaal 10 werkdagen betalen.

– Voor het betalen van lokale heffingen (exclusief motorrijtuigenbelasting) en erfpacht is (voorlopig tot 30 juni 2020) een uitstelregeling. Hieronder valt tevens de toeristenbelasting en verhuurbelasting motorrijtuigen over het eerste kwartaal 2020.

– Ondernemers/verhuurders wordt gevraagd in navolging van de banken coulance te betrachten jegens hun cliënten.

– Ministeries wordt verzocht voor later dit jaar geplande projecten en investeringen naar voren te halen.

– TCB wordt gevraagd binnen 2 maanden een toeristisch herstelplan uit te werken dat, zodra de internationale reisbeperkingen worden opgeheven, het herstel van het toerisme kan versnellen. Voor de bekostiging wordt een additioneel pr- en marketingfonds gevormd.


Share This
error: Content is protected !!