KRALENDIJK – Mirando ku e personal di staf a afiliá nan mes na FEDEBON, gerensia di BOPEC a hasi un petishon na mediadó di gobièrnu pa tene un referèndum bou di staf di BOPEC. E referèndum aki lo tuma lugá djabièrnè awor 3 di aprel 2020 entre 08.00 i 11.00 di mainta na BOPEC, kaminda e opshon lo ta pa e staf vota ku si nan kier pa FEDEBON representá nan interesnan na BOPEC SI òf NÒ. Fedebon lo ta e úniko sindikato ku ta partisipá na e referèndum. Ta bon pa bisa ku e sobrá di trahadónan ku no ta kai bou di staf di BOPEC ta dignamente representá pa BPWU manera tabata semper e kaso. E interes di e personal di staf pa organisá nan mes ta pa e echo ku tin hopi inseguridat pa ku futuro di BOPEC i mas ku tur kos inseguridat pa loke ta futuro di nan pan di kada dia. Pues USIBO ta konvensí ku djabièrnè awor ora e urna sera ku 100% di e trahadónan di staf lo a vota pa FEDEBON representá nan interesnan laboral. For di e momento ei nan ta librá pa tin ku atendé nan asuntunan laboral den un forma personal, kaminda nan no tin e forsa nesesario.

Mirando e situashon i e dekreto di ampliashon di medidanan, nos lo pidi mediadó pa tene kuenta ku esaki pa evitá ku tin aglomerashon di trahadó pa bai vota i ku si ta nesesario amplia e orario ku a duna pa e trahadónan por bai vota den un ambiente sigur i saludabel.

Share This
error: Content is protected !!