KRALENDIJK – Na diferente momentu mi ta tende hende komentá aki aya i spesialmente piskadónan tin hopi kerensia manera nan ta bisa. Tin sierto kos ku nan a lanta kuné, loke nan a tende di esnan di pasado, i ta kere firme den nan. Mi ta kompartí algu ku algun hòmber di laman a menshoná.

“No kambia nòmber di un boto. Nos grandinan a bisa si bo hasi esaki ayó boto. Algu malu ta sosodé kuné. Otro kos, si un piskadó bisabo ban piska i e otro piskadó bisa dudá,  bo ta kere nos ta pega piska? No bai piska e dia ei mas, pasobra ya tin un duda i lo no pega piska e riba e dia.

Hopi kos ta dependé di e ser humano.  Si e kere den e kos e ta bai bon. Si e no ta keré, ta bai manera e ta papia. Eksperensia di esnan ku a pasa gran parti di bida ta konta.

Share This
error: Content is protected !!