Un señora kende tin algu mas ku 25 aña establesé na Boneiru,  a konta loke a sosodé e promé bia ku el a bishita ‘El Gran Chaparral’. “Mi tabata na Chaparral 1995 bailando huntu ku dos amiga i nan ku nan frei. Kabayeronan tabata bin buska nos pa balia i nos a nengá nan, i ora nos a sali pafó nos a haña 2 tayer di outo plat. Nos a pensa ku ta esnan   ku nos a nenga di bai balia, nan lo a ekspresá nan mal kontentu baha e tayer di outo. Nos a buska hende pa yuda nos i tabata skur, poko despues di 12’or. Diripiente mi a mira un hende grandi nèt pariba di kura di Chaparral. El a lora nèt den e bògt promé ku Chaparral i bai den un hanchi. Mi a kai den lòk i no por a papia. Despues di un ratu mi a bisa e otro nan loke a sosodé. Djaluna mi no por a lanta for di kama. Mi a haña keintura i nan a bisami momentu ku wak mal spiritu, e hende ta bira malu. Ta papiá ku mas hende a mir’é. Ta trata di un hòmber di estatura hopi haltu,”e dama a konta.

Share This
error: Content is protected !!