KRALENDIJK – No tin duda ku e situashon aktual ta afektanto turismo di kada Pais. Ounke nos no tin niun kaso di Corona Vírùs registrá, Boneiru no ta un eksephon komo ku a tuma diferente medida. Radio Live 99.9 FM a pasa na diferente hotèl pa tuma nota di e situashon relashoná ku vírùs di “corona”. Ta notabel ku na diferente hotèl grandi, e lugá di stashoná vehíkulo ta práktikamente bashí. Si tin outo stashoná, ta esun di e trahadónan. Tin trahadó ku a wòrdu mandá kas i otro nan ku a haña diferente tarea ku no ta esun prinsipal. Di e manera aki vírùs di “corona”, a pèrkurá pa hende, spesialmente e turista, regresá su Pais i no bai niun stap. Hopi kos riba mundu ta paralisá i no tin niun fecha, e dia ku kos ta normalisá, manera tabata e kaso promé ku e medidanan mundialmente, relashoná ku e vírùs. Kombinashon di potrèt ta duna bista di algun di e hotèlnan Bandoná riba e isla di Boneiru.  

Share This
error: Content is protected !!