KRALENDIJK – Boneiru un bia mas ta pèstá ku hopi di e yerba ku ta karga e nòmber “Sargassum”. Ya pa algun siman tabata notabel ku e yerba a bolbe kuminsá yega i pega riba kosta pariba di Boneiru. “Kon Tiki Bay”, Lagun, parti sùit di Boneiru tur ta e áreanan ku e “Sargassum” a yega kosta di e isla. Ta notabel ku hopi piska ta pega den e yerba i ta pèrdè nan bida. For di djadumingu siman pasá a kuminsá ku trabou pa saka e yerba for di laman mas tantu posibel. STINAPA ta hañando asistensia di boluntario, i empleadonan di STINAPA, esnan di ofisina tambe, ta trahando i sakando yerba for di laman. Tur ta duna un man pa eliminá e yerba ku ta desastroso pa kosta di Boneiru si esaki para i putri.

Share This
error: Content is protected !!