Un dama ta konta 2 eksperensia ku el a eksperensia algu mas ku 10 aña pasa, na un edifisio, tempu restorant Capriccio tabata aya. “Tempu mi tabata laborá na Capriccio Restaurant, situá pega ku kaya grandi, awor pariba di Luciano. Mi tabata bai trempan mainta. Hopi hende ta bisa einan tin spiritu. Nan ta bisa bo ta sinti algu kayente, sinembargo no ta mira nada. Trahando mi ta tende kos zona, sinembargo momentu mi tuma nota i sali pafó di e edifisio no ta mira nada.  1 yanüari 2007 momentu mi a yega trempan mainta, i a sera mi kurpa paden i kuminsá mi tarea. Mi a tende un hende flùit den mi orea hopi fuerte. Mi a spanta i no a move. Despues mi a tuma nota di algu. Nan a bisami ku ta un hòmber e ta i nan sa eksperensi’é na diferente okashon. Den tempu di kuaresma mi no ta gusta kana mi so anochi. Manera nan ta bisa diabel ta los i hende ta topa kos straño sigur despues di 12 di anochi pa mardugá.

1994

Mi a yega kas un bia mardugá, e tempu aya mi tabata biba dilanti di ‘Kooyman’, awor djis pega kaminda ta ‘Kentucky Fried Chicken’.  Mi a drenta kas i solo tabata bahando. Pues no tabata skur. Mi a drenta kas i algu a dalmi den kara mandami suela. Momentu mi a lanta bèk, no tabatin nada. E anochi mi no por a drumi. Mi ta un persona ku hopi miedu,” e señora a konta.  

Share This
error: Content is protected !!