KRALENDIJK — Un èks empleado di WEB ta konta kon tempu e tabata traha i a yega di señalá moveshon straño na trabou. E persona a konta kaminda na diferente okashon, no e so, sinembargo su koleganan sa sinti i mira kos straño, spoki òf spiritu, ta algun di e diferente nòmbernan ku bo ta tende menshoná ora ta trata tipo di situashon nan dudoso.

 Nos a yega di mira lus e loke nan ta yama lus di saltá den bisindario di e planta. Ta bisá ku na planta nan ku ta produsí energia hopi bes ta mira kos straño. Esaki ta parse pa motibu di e energia ku e planta ta produsí ta pone ku e otro kreashonnan ta bin i asina risibí energia. Tipo di kosnan asin’aki ta sosodé, mas bien na otro isla i paisnan ku tin planta grandi i na diferente okashon a yega di señalá kosnan straño manera ‘UFO’ etcetera.

“SPIRITU RIBA PALU DI LUS”

E persona a sigui konta kaminda un anochi e i su kolega tabata laborá i na un momentu dado nan un di na mira algu i no por a komprondé loke el a mira. El a yama su kolega ku no tabata muchu leu in nan tur dos a señalá e opheto ku tabata idéntiko na un persona. Tabata un persona sinta riba un palu di lus ku ta riba e tereno di e kompania. E palu di lus tabata un di e dosnan ku tabata lusa riba e waf kaminda barku tabata mara pa deskarga kombustibel. Un di e personanan a bisa, kon por ta posibel un hende a subi tereno i ta sinta riba e palu di lus. E dos empleadonan a opta pa kada un pasa di un direkshon pa asina evitá ku e persona sinta riba e palu di lus ta kore bai sin ku nan gar’é.

Manera palabra kada un a bai di un banda pa asina ataka e supuesto persona sinta riba e palu. Nan sorpresa tabata momentu ku na a yega na e sitio, esta pega ku e palu di lus, nan no a topa nada. E dos koleganan a wak otro i solamente loke nan por a bisa tabata loke nan a mira simplemente tabata spiritu. Tur kos tabata parse di bèrdat sinembargo momentu ku nan a yega mas serka no a topa nada. E supuesto persona no por a baha i someté asina rápido ku nan no por a mira i gar’é.    

Share This
error: Content is protected !!