KRALENDIJK – Awe ta 7 dia promé ku bièrnèsantu. E dia aki ta relatá rekordá, mas ku 2000 aña pasa nan a krusifiká Hesus. Un suidadano a konta ku straño ku por parse, sinembargo tur aña den e mes un temporada por tuma nota di un situashon straño. Ta trata di e kolo di shelu. “For di ayera por tuma nota kon shelu ta habri for di mainta ku un kolo shinishi i ta keda gran parti di dia e mes un kolo. E no ta manera tempu pa áwaseru kai, sinembargo un situashon húmedo, si mi por bisa asina. E situashon, pues e kolo ta trese un ambiente di trankilidat i hinka den e hende sentimentu di  ta manera di bèrdat nan ta krusifiká Hesus awe, relatá na bièrnèsantu. No tur aña, sinembargo for di tempu ku mi tabata mucha mi por kòrda kon e situashon ta presentá. Hopi bes bièrnèsantu ta un dia notabel den shelu, un tempu shinishi húmedo sin yobida. Bo ta hasi bo mes e pregunta. Inkreibel pero bèrdat. Nèt e temporada aki  shelu ta ekspresá tristesa. Tuma nota di shelu pa bo mir’é,”e persona a konta.

Share This
error: Content is protected !!