KRALENDIJK – Djasabra mainta a tuma lugá un aktividat kaminda a entrega no ménos ku 500 pakete pa komunidat. Paketenan a bai den un frega di wowo manera ta bisa. Ta trata di 500 pakete ku a karga e nòmber pakete di vitamina. Kantidat enorme di hende a presentá na “Bonaire Logistics” e mainta pa tuma pakete di vitamina. Tabatin palabrá pa kuminsá parti pakete 9’or di mainta. Mirando e aglomerashon di outo i hende na e sitio a inisiá ku e partimentu di pakete promé ku 9’or. Kaya den e área tabata pegá pa motibu di fila pa tuma kos. Polis mester a intervení pa guia e situashon den tráfiko relashoná ku tuma mentu di pakete. Algu promé ku 9:30 tur 500 pakete di vitamina a keda entrega na komunidat. Adrienne Cornelia de Jongh di Bonaire Logistics i Eugenio de Jongh di Don Andres a menshoná ku ta bai wak si tin posibilidat pa por bolbe organisá algu asina. 500 pakete yudando spesialmente esnan ku mas ta den nesesidat. Despues ku tur pakete a kaba, hopi hende a sigui yega na e sitio pa buska pakete. Nan mester a bira bèk ku man bashí.

Riba potrèt entre otro e grupo ku e pèrkurá pa e partimentu di pakete e mainta.

Share This
error: Content is protected !!