KRALENDIJK – Djabièrnè anochi lat alrededor di 11:30 un pikòp pa un òf otro motibu a pèrdè kontròl i a dal den kura di un kas. E aksidente a sosodé riba kaya Nikiboko Sùit. Na e sitio tabata notabel un marka di brek di mas ku 40 meter promé ku e vehíkulo a kita for di man drechi di kaya i alkansá e kurá di kas na man robes di kaya. E pikòp tabata bayendo direkshon di e rotònde pega ku van Den Tweel Supermarket. Polis a sera e kaya den e área kaminda e aksidente a tuma lugá, pa investigá kousa di loke a sosodé. No tabatin herido.


Share This
error: Content is protected !!