KRALENDIJK – Djadumingu último tabata ‘Djadumingu di Rama’. Parokia La Bírgen di Coromoto a tabatin selebrashon Eukaristiko porta sera. Ta posibel algun persona durante e selebrashon sinta paden, sinembargo esaki ta limitá pa evitá ku hopi hende ta presentá i no por tene kuenta ku e distansha sosial di mas o ménos 2 meter for di otro.  Misa tabata afisiá pa Pader Alphonsus Baak, huntu kuné Lektor i Akólito Alejandro Rodriquez. 2 mucha a sirbi misa e mainta i algun lektor ku a lesa lektura i moderá. Radio Live 99.9 FM a transmití e misa pa medio di nan ‘Facebook page’. Gran parti di komunidat i otro nan a sigui esaki mirando ku mas ku 4 mil hende te ku awor a mira e grabashon òf a mir’é bibu i direkto. Na final pader a bendishoná un sirbibo di misa Mayjeantly Marceli i lector Ludwina Lendering, kendanan a kumpli un aña mas di bida. Kor La Bírgen di Coromoto a animá e selebrashon Eukarístiko. Despues di misa pader i algun parokiano a parti rama pa esnan ku a bin despues di misa pa tuma e rama dilanti di parokia.  

Share This
error: Content is protected !!