6 KAMBER DI KUIDO INTENSIVO NA KAMINDA PA BONEIRU

Written by on

KRALENDIJK – Awe durante un entrevista ku Radio Live 99.9 FM a sostené ku gezaghèber di Boneiru Edison Rijna i Danny Royer presidente di e tim di krísis. Entre otro Danny a splika, aparte di 2 avion di e kompania ‘Sarpa’ ku ta na Boneiru, tin diferente spesialista for di eksterior, pa yuda ku tratamentu di hende ku risibí vírùs di ‘corona’. “E spesialistanan kende a yega Boneiru for di eksterior a pasa e temporada obligatorio di karentena i ta kla pa laborá. No tin niun kaso di vírùs di ‘corona’ na Boneiru, sinembargo mester ta prepará. Boneiru tin 9 kama pa kuido spesial, i awor ta na kaminda 6 kònteiner, pues 6 kamber mobil pa kuido intensivo, pa duna tratamentu na Boneiru. E kambernan ta ful ekipá manera kuido intensivo ta funshoná. Awor ta atendé ku VWS pa Boneiru risibí mas personal pa yuda na momentu ta nesesario. Otro siman e kambernan ta yega Boneiru i si tur kos kana segun plan, denter di 3 siman di awor pa dilanti, e kambernan pa kuido intensivo ta operashonal. Pues Boneiru ta hasiendo tur esfuerso, si ta nesesario, tin posibilidat  pa atendé ku e pashènt na Boneiru, pa e haña e trato korekto pa e vírùs di ‘corona’. Total ta bira 15 kama ku Boneiru ta disponé, pa duna trato na un persona ku tin vírùs di ‘corona’,” Danny Royer presidente di e tim di krísis a menshoná durante e programa ‘Brunch 99’.

Share This

Current track

Title

Artist

error: Content is protected !!