Un empleado penshonado di ‘Radio Nederland Wereld omroep’ (RNWO) a mira kos kere ta otro kos. Algun dia pasa mi a topa un kolega òf eks kolega di RNWO, kende tabata traha den e mes un departamentu ku ami tabata, yamá Continuity. El a bisami ku e tin un eksperensia di loke el a eksperensiá tempu e tabata traha na RNWO, kaminda awor ta planta nobo di W.E.B..

“Un mardugá momentu ‘uitzending’ a kaba 2’or di mardugá, manera kustumber mi a bai kantina. E kantina manera esnan ku konosé e lugá, ta pafó di e edifisio grandi loke ainda ta e kaso. Mi a sali pafó i bai direkshon di kantina i momentu mi a yega pa habri e porta pa drenta, manera algu a bisami drei kara wak direkshon pabou. E momentu ei mi a mira algu manera un hòmber grandi brasa habri ta manera bin pariba den mi direkshon. Mi no a spanta, sinembargo mi a regresá pòst, esta kaminda mi ta sinta i no a drenta kantina. E kos a keda den mi mente loke mi a mira, i lagami hopi pensativo. Solamente 2 hende tabata na e sitio, anochi pa mardugá. Esun ku ta atendé ku ‘Zender, esta ami i un persona di seguridat. Mi tabata sa ku no ta trata di e persona di seguridat, pasobra mi a mir’é sinta den su ofisina ta kabishá. Pues loke mi a mira ta un di 3 persona riba tereno e mardugá. Momentu ku dia a kuminsá habri mi no a pèrdè pa gana i a bai direkshon di kantina i na e mes sitio wak pabou manera tabata e kaso mardugá. Mi sorpresa grandi i trankilisashon tabata ku ta trata di un overòl di trabou di Leo ‘Stick’ Janga ku tabata kologá i bientu tabata drenta den dje. Esei tabata pone ku e overòl tabata kua airu i tabata parse ku e tabata kore brasa habri bin den mi direkshon. Mi mes mester a hari momentu mi a mira e kos mainta,”e kolega a konta. E kolega ‘Stick’ ta un hende largu i dimes su overòl ta largu i esei ta loke el a mira mardugá i a kere un kos pa otro.


Share This
error: Content is protected !!