KRALENDIJK – En konekshon ku Bièrnè Santu 10 di aprel i di dos dia di Pasku djaluna 13 di aprel ,

Selibon NV ta partisipá lo siguiente:

Servisio di rekohé shushi

E servisio di rekohé shushi lo kontinuá nòrmal den e siman aki (6 di aprel pa 13 di aprel). Lo no tin ningun kambio di ruta durante e siman aki. Esaki ta konta pa tur tipo di shushi: glas, plèstik, bleki, karton, papel i restu di shushi. Nos empleadonan di e servisio di rekohé shushi di kas i negoshi lo pasa nòrmal segun e skema kustumbrá.

Tene kuenta ku trùk di shushi ta pasa mas trempan riba djabièrnè 10 aprel (Bièrnè Santu) i djaluna 13 di aprel (di dos dia di Pasku) den e barionan kustumbrá.

Servisio di rekohé kadaver

E servisio di rekohé kadaver lo kontinuá nòrmal. Pa por hasi uso di e servisio aki por yama nos na 788-2999.

Lokashonnan di entregá shushi

Nos lokashonnan di entregá shushi na Kaya Industria 20, Morotin i Lagun lo ta será djabièrnè 10 di aprel (Bièrnè Santu), djadumingu 12 di aprel (Pasku di Resurekshon) i djaluna 13 di aprel (di dos dia di Pasku). Nos lo ta habri bèk djamars 14 di aprel 2020 pa brinda kada kliente e bon servisio kustumbrá.

Nos ofisina prinsipal na Kaya Industria 20 tambe lo ta será riba djabièrnè 10 di aprel (Bièrnè Santu) i djaluna 13 di aprel (di dos dia di Pasku).

Share This
error: Content is protected !!