Alohamentu sentral pa residentenan ora di repatriashon
E brote di e vírùs di corona tin komo konsekuensia ku un kantidat grandi di residente ta pegá den eksterior. Despues di reuní i klasifiká e residentenan ku ke regresá Boneiru, a traha duru riba un guion pa repatriashon. E residentenan mester por regresá na un manera responsabel i seif. Pa e motibu ei EBT a konstruí un ‘taskforce’ pa elaborá riba e preparashon.

E vírùs di corona ta komportá su mes impredisibel.P’esei ta importante pa por ‘schakel’ di manera flèksibel durante e preparashonnan. E konosementu médiko tokante e vírùs di corona ta desaroyá diariamente. Tin kontakto estrecho ku RIVM i ku otro spesialistanan médiko. RIVM a konfirmá ku por traspasá e vírùs for di un òf dos dia promé ku tin síntoma. E ora ei ya e ta den nanishi òf garganta, sin duna síntoma. Ta apliká e perspektiva nobo aki, i posibel perspektivanan siguiente, den tumamentu di desishon rondó di e guion pa repatriashon.


E desishon tumá te ainda ta ku e promé repatriashon di un grupo di persona ku funshonnan vital, lo tuma lugá riba 14 di aprel próksimo. Lo repatriá nan solamente si nan ta disponé di un deklarashon di salú. Seguidamente nan ta bai den karentena obligatorio na un sitio sentral. Ta duna e repatriantenan klaridat tokante e kondishonnan, e grado di seguridat, mantenshon i sanshon. Promé ku biaha, nan mester firma e kondishonnan. Lo hasi uso di un asina yamá sistema di ‘buddy’, pa sostené e repatriantenan mas mihó posibel. E buddy nan aki ta mantené un protokòl estrikto enkuanto distansia sosial i higiena. Ta evaluá e promé vuelo di repatriashon promé ku e siguiente grupo di repatriante ta sigui.

For di e ‘taskforce’ i EBT ta hasi lo máksimo pa repatriá e residentenan di un manera seif i sigur. E insiguridat ku ta eksistí tokante e repatriashon aki, ta skuchá, pero ta pidi pa laga e trabou na ekspertisio di e personanan enkargá. Supervishon i Mantenshon ta bou di guia di kadena di seguridat. Dòkternan i Departamentu di Salubridat Públiko tin algun tempu kaba trahando riba e preparashonnan. Na nivel atministrativo ta pisa i inkluí konseho di diferente eksperto den e toma di desishon.

Gezaghèber Edison Rijna: “Mi tin komprenshon pa e gran kantidat di pregunta, pero tambe mi ke hasi un yamada na boso pa mantené trankilidat i demonstrá union. Pasó ta trata di un grupo di residente, konsiudadano di nos isla, for di diferente kapa sosial. Nan tin derechi di regresá. Bo por konfia ku ta tuma kada desishon riba e tema aki, na un manera bon konsiderá i ku lo realisá esfuersonan kontinuo pa kuminsá ku e repatriashon di manera efisiente i responsabel.”


Centrale huisvesting voor ingezetenen bij repatriëring
De uitbraak van het coronavirus heeft tot gevolg dat er een flink aantal ingezeten zijn gestrand in het buitenland. Na het in kaart brengen van de ingezetenen die terug willen keren naar Bonaire, is er hard gewerkt aan een draaiboek repatriëring. De ingezetenen dienen op een verantwoorde en veilige manier te kunnen terugkeren. Het EBT heeft om die reden een taskforce samengesteld om de voorbereidingen uit te werken.


Het coronavirus gedraagt zich onvoorspelbaar, daarom is het van belang om tijdens de voorbereidingen flexibel te kunnen schakelen. De medische kennis over het coronavirus ontwikkelt zich iedere dag. Er is nauw contact met het RIVM en met andere medisch specialisten. Het RIVM heeft bevestigd dat het virus, een tot twee dagen voordat er symptomen zijn, al overdraagbaar is. Het bevindt zich dan al in neus en keel zonder symptomen te geven. Dit nieuwe inzicht, en eventuele daaropvolgende, worden toegepast in de besluitvorming rondom het draaiboek repatriëring.

De besluitvorming tot nu toe is dat de eerste repatriëring wordt uitgevoerd op 14 april van een groep personen in vitale beroepen. Zij worden alleen gerepatrieerd indien zij over een gezondheidsverklaring beschikken. Vervolgens zullen zij in verplichte quarantaine worden geplaatst op een centrale locatie. Er wordt aan de repatrianten duidelijkheid verschaft over de voorwaarden, de mate van beveiliging, handhaving en sancties. Vooraf aan de repatriëring dienen de voorwaarden door ondertekening te zijn bevestigd. Er wordt gebruikt gemaakt van een zogenaamd “buddy” systeem om de repatrianten zo goed mogelijk te ondersteunen. Deze buddy’s houden zich aan een strikt protocol rondom sociale afstand en hygiëne. De eerste repatriëringsvlucht wordt geëvalueerd voordat de volgende tranche repatrianten volgt. 

Vanuit de taskforce en het EBT wordt er alles aan gedaan om de terugkeer van ingezetenen op een veilige en verantwoorde manier te laten plaatsvinden. De onrust die er heerst over deze repatriëring is gehoord, maar het verzoek is om het werk over te laten aan de expertise van de juiste mensen. Toezicht en handhaving staat onder begeleiding van de veiligheidsketen. De medici en Publieke Gezondheid zijn al lange tijd bezig met de nodige voorbereidingen. Op bestuurlijk niveau wordt advies van verschillende deskundigen gewogen en meegenomen in de besluitvorming.

Gezaghebber Edison Rijna: “Ik heb begrip voor de vele vragen, maar ik wil ook een oproep doen aan u om de rust te bewaren en eendracht te tonen. Het betreft immers een groep ingezetenen, medebewoners van het eiland, uit alle lagen van de bevolking. Zij hebben het recht om terug te keren. U kunt erop vertrouwen dat ieder besluit hieromtrent weloverwogen wordt genomen en dat er continue inspanningen worden geleverd om de repatriëring efficiënt en verantwoord op te starten”.

Share This
error: Content is protected !!