VEHÍKULO TA KOUSA AKSIDENTE I KORE BAI FOR DI SITIO

KRALENDIJK – Djaweps anochi mas o ménos mitar di 9, a sosodé un aksidente di tráfiko poko fastioso na altura di RBC. E vehíkulo ku a kousa e aksidente a sigui kore despues di a dal den por lo ménos 3 outo. E vehíkulo kolo bèrdè tabata riba kaya Korona direkshon nort. E shafer a sende lus di direkshon pa e kambia di kaya i subi kaya Neerlandia. No tabatin tráfiko di direkshon kontrali, i e shafer di e outo kolo bèrdè a kita na man robes pa bai riba kaya Neerlandia. Na e momentu ei un otro vehíkulo a kuminsá pasa 1 òf 2 outo tras di e vehíkulo kolo bèrdè. Momentu ku e outo pasando e otronan a yega e krusada T, el a topa e outo kolo bèrdè ku tabata lorando, i el a dal den banda di e outo. E reportero di Radio Live 99.9 FM ku a presentá na e sitio a komprondé ku e outo a dal den esun kolo bèrdè i despues sigui kore, a mishi ku por lo ménos  2 vehíkulo mas, ku tabata riba kaya korona. A tuma nota di e number di e vehíkulo ku ta kuminsá ku V-…. . No tin konfirmashon di e number si e ta korekto, pa e motibu aki Radio Live 99.9FM  no publiká e number pa awor. Esnan enbolbí den e aksidente tabata hopi mal kontentu e forma ku e kos a tuma lugá. Sigur pa motibu ku e vehíkulo ku a kometé e aksidente a kore bai for di e sitio. No tabatin herido solamente daño material. Kousa di e aksidente ta bou di investigashon.      

 

Share This
error: Content is protected !!