KRALENDIJK – Bièrnèsantu un dia ku ta nifiká hopi pa mundu, un suidadano a bisa. El a sigui ekspresá loke e a tuma nota di dje bièrnèsantu, ku pa e ta un dia spesial. “Lógikamente no pa tur hende, debí ku no tur hende den mundu ta kere den Dios. Sigur esei ta nan libertat. Ántes bièrnèsantu tabata un dia liber pa gran parti di hende den komunidat. Ku tempu esaki a kambia. Ta di komprondé, mundu no a kambia manera hopi ta bisa, sinembargo hende su manera di biba den mundu a kambia. Añanan atras na Boneiru bièrnèsantu mayoria negoshi pa no bisa tur tabata sera. Ku tempu esaki a kuminsá kambia. Algun aña pasa diferente negoshi ku tabata habri bièrnèsantu, parti mèrdia tabata sera nan porta. Awendia ta notabel ku spesialmente barnan manera nos ta yama nan, lugá ku ta bende bibida alkohóliko entre otro ta habri. Trai mèrdia i 3’or ta parse un dia normal. Sigur e ta un dia normal, sinembargo por dun’é poko atenshon spesial. Mayoria bar ku chinesnan ta manehá, tabata habri djabièrnè último. Nan ta habri pasobra tin hende ta bishita nan. Pues no solamente nan, no ta duna poko atenshon kisas djis 3’or, sinembargo e kliente figo ta presente. Nan ta preferá pasa e dia den un bar. Hende su estilo di biba ta otro kompra ku ántes. E otro kos ta, esnan konserní, pues gobièrnu, ta duna pèrmit i aseptá pa e negoshi kontinuá, ” e persona a menshoná. Potrèt saká alrededor di 3’or di atardi bièrnèsantu. 

 

Share This
error: Content is protected !!