KRALENDIJK –Un suidadano ta remarka e echo kon ta atendé ku entiero na Boneiru. “Tur hende ta na altura relashoná ku vírùs di ‘korona’ mester tene kuenta ku e distansha sosial, proponé pa 1meter i mei pa 2 meter for di otro. Un hende por bisa debí ku na Boneiru no tin niun kaso di hende infektá ku e vírùs, por desviá di e regla sierto momentu. Personalmente mi mes ta desviá di e regla,”e persona a konta. El a sigui bisa:”Esaki ta sosodé momentu mi topa miembro di famia, mi ta yega hopi serka di nan, niun otro hende. Un kos ku mi a tuma nota di dje ta entiero e último temporada. Personalmente mi no a bai, sinembargo mi a tuma nota di video i potrèt riba ‘Facebook’. No tin aglomerashon di hende, sinembargo diferente hende ta akudí na e entiero i na mes momentu. Durante un entiero famia ta deseá pa nan ta mas serka otro, un ta konsolá otro. No tin duda ku sigur momentu ta despedí di un ser kerí, ta deseá pa por ta mas serka di e kurpa den kaha pa último bia,”e suidadano a menshoná. El a sigui bisa:”Ta notabel ku último tempu ta tene entiero na ‘Consuelo Memorial Bonaire’, i manera tur hende sa e espasio ta chikitu. Sea tin tiki hende òf hopi, no ta fásil pa kumpli ku e distansia sosial. Ku tur rèspèt mi ke pa esnan konserní, tuma nota i duna atenshon na e situashon. Kisas pa haña poko mas espasio por atendé e entiero parti pafó na Consuelo Memorial Boneiru.

Segun ami, si usa un edifisio kaminda ta hasi misa ta hopi mas apropiá. No ta importá religion. Ta bon pa nos tur teniendo kuenta ku e medidanan relashoná ku e vírùs ku tin hendenan mundialmente destrosá. E meta no ta pa mustra dede riba niun hende, sinembargo ta pa nos mes bon. Na un entiero tur hende for di diferente parti riba e isla ta yega pa duna atenshon, i e por tin konsekuensia di un pa otro,”e suidadano a konta Radio Live 99.9 FM.

Share This
error: Content is protected !!