KRALENDIJK —  Hefe di kuerpo polisial Jose Rosales i Jair Tromp hefe di ‘Toezicht en handhaving’ tabata di bishita na Radio Live 99.9 FM relashoná ku e situashon di vírùs di ‘corona’. Ámbos a amplia entre otro kiko ta EBT i e funshon di e diferente departamento ku ta atendé ku e tempu di krísis. “Ku regularidat ta hasi kambio den regla dependé kon e situashon ta kontinua. E bon ta ku Boneiru no konosé niun kaso di vírùs di ‘corona’. Nos ta den e fase pa guia e hendenan. Tin kos ainda ku ta rekerí atenshon pa e ta mihó. Nos ta dependé kon komunidat ta funshoná. Mas mihó nan komportá, ta mihó pa nos mes. Ta importante pa nos praktiká tur loke mester hasi relashoná ku e vírùs. Tur kas i negoshi mester tin un plan. Ta prepará pa kualke situashon ku presentá. No kumpra kos na gran kantidat loke ta perhudiká otronan. Tin sufisiente pa tur hende. Nos ta hopi kontentu kon komunidat ta komportá. E distansha sosial ta hopi importante, mínimo 1 meter i mei serka di otro. Mas leu for di otro mas mihó. E plan ta pa trese esnan ku ta den eksterior bèk na Boneiru. Ta prepará awor pa momentu ku trese e hendenan pa tur kos kana mas mihó posibel. Boneiru ta bon prepará i ta stabil pa warda esnan na Hulanda regresá Boneiru, awor mester warda konfirmashon di e kompania di biahe pa trese e hendenan. Hende por reuní no den grupo di mas ku 50 persona i mester tene nan mes na e distansha di 2 meter for di otro. Polis ta sigui kontrolá i eduká e hendenan riba e isla. No tin niun indikashon kuantu mas ta bai dura ku e situashon aktual. Mensahe pa komunidat ta keda alerta i ta trankil. No drenta pániko. Esnan konserní tin bon bista kon pa dirigí kualke situashon. 16 hende a kontrolá ayera na e sitio nobo na hospital.  Importante ta pa kada persona kuida nan kurpa.

Si un hende ke yama momentu tuma nota di aglomerashon di hende na un sitio por bèl 717 8000 òf 715 8004 pa duna kualke informashon.”  

Share This
error: Content is protected !!